11:33, 22 - جەلتوقسان 2016 | GMT +5
قانات يسلام تانىمالدىلىق جاعىنان گولوۆكيندى شاڭ قاپتىرۋى مۇمكىن
استانا. قازاقپارات - قانات يسلام (22-0, 18 ك و) WBO نۇسقاسى بويىنشا الەمدەگى ەڭ مىقتى بوكسشىلاردىڭ بەستىگىنە كىردى دەپ حابارلايدى NUR. KZ.
ءبىرىنشى ورتاشا سالماق دارەجەسىندە ونەر كورسەتىپ جۇرگەن قازاقستاندىق بىلعارى قولعاپ شەبەرى الەمدىك ارەنادا ۇلكەن تانىمالدىققا يە بولىپ كەلەدى. جاقىن ارادا الماتى قالاسىندا وتكەن جەكپە- جەگىندە يسلام گانادان كەلگەن قارسىلاسى پاتريك اللوتەيدى جەڭگەن بولاتىن.
كوپتەگەن ماماندار 32 جاستاعى بوكسشىنىڭ شەبەرلىگىن جوعارى دەپ باعالايدى. كەيبىرەۋى، ءتىپتى، ونى بولاشاقتا گەننادي گولوۆكيننەن دە اتاقتى بولادى دەپ ەسەپتەيدى. قانات يسلام وسى ۋاقىتقا دەيىن 22 كەزدەسۋ وتكىزىپ، ونىڭ ەشقايسىندا جەڭىلمەگەن.
WBO الەمدىك رەيتينگىندە قانات بەسىنشى ورىندى مىسە تۇتقان. ەڭ ۇزدىك بوكسشىلاردىڭ كوشىن مەكسيكالىق ساۋل "كانەلو" الۆارەس باستاپ تۇر. جەرلەسىمىزدىڭ كەزەكتى جەكپە- جەگى 2017 -جىلدىڭ باسىندا بولادى دەپ كۇتىلۋدە. قارسىلاسىنىڭ كىم ەكەنى ازىرگە بەلگىسىز.
