09:37, 22 - جەلتوقسان 2016 | GMT +5
بۇگىن - جىلدىڭ ەڭ قىسقا كۇنى جانە ەڭ ۇزاق ءتۇنى
استانا. قازاقپارات - بۇگىن - جىلدىڭ ەڭ قىسقا كۇنى جانە ەڭ ۇزاق ءتۇنى. ەجەلگى قىتايدا قىس كۇندەرىنىڭ توقىراۋ مەيرامى (دۋنچجيتسزە). بۇل ەلدە قىستاعى كۇننىڭ توقىراۋى ەڭ باقىتتى كۇن جانە تويلاۋعا لايىقتى مەيرام دەپ سانالادى.
جىل سايىن جەلتوقساننىڭ 21 مەن 22 ءسى ارالىعىنا كەلەدى. قىستاعى توقىراۋ كۇنى جىلدىڭ ەڭ قىسقا كۇنى جانە ەڭ ۇزاق ءتۇنى بولىپ ەسەپتەلەدى. ول - جەردىڭ ءوز وسىنەن اينالۋى بارىسىندا كۇنگە كورىنۋ مۇمكىندىگىنىڭ مەيلىنشە ازايۋى. حالقىمىز مۇنى «قىس ورتاسى»، «ەڭ قىسقا ءتۇن»، «قىستىڭ العاشقى كۇنى» دەپ تە اتاعان. بۇل كەزدە سولتۇستىك جارتى شاردا استرونوميالىق قىس باستالىپ، سولتۇستىك پوليۋس قالىڭ قاراڭعىلىق قۇشاعىندا قالادى. كۇننىڭ قىسقى توقىراۋىنان سوڭ كۇننىڭ بىرتىندەپ ۇزارۋى باستالادى.
