الماتى سوتى مەرۋەرت تۇسىپبايەۆانى ايتقان ءسوزى ءۇشىن جاۋاپ بەرۋگە شاقىرىپ جاتىر

استانا. قازاقپارات - وسى اپتادا الماتىدا بەلگىلى ديزاينەر ءارى پروديۋسەر جادىرا ساحيەۆا مەن ءانشى مەرۋەرت تۇسىپبايەۆانىڭ اراسىنداعى داۋ- دامايعا قاتىستى سوت وتىرىسى وتەدى، دەپ حابارلايدى قازاقپارات.

 ەسكە سالساق، جادو ەسىمىمەن تانىمال ج. ساحييەۆا تەلەارنالاردىڭ بىرىندە م. تۇسىپبايەۆانىڭ ستيلىنە قاتىستى پىكىر بىلدىرەمىن دەپ باسى داۋعا قالدى.

ءانشى مۇنىڭ ەسەسىن قايتارۋ ءۇشىن ءوزىنىڭ  Іnstagram-داعى پاراقشاسىنا ديزاينەرگە ارناپ جازبا قالدىردى. تۇسىپبايەۆا جادونىڭ باسىنا تيۋربان، ۇستىنە تور كوزدى كويلەك كيىپ تۇسكەن سۋرەتىن ورنالاستىرىپ، وعان دۇرىس كيىنۋگە ءارى ارىقتاۋعا كەڭەس بەرگەن ەدى.

«ال تيۋربان دەگەندى ەتەگى بار كيىممەن كيۋ كەرەك، جادو! دجينسىمەن ەمەس. تور كوزدى كويلەككە مىناۋ الا ورامال سايكەس كەلمەيدى! كەيدە ميدى جۇمىس ىستەتۋ قاجەت. تۇسىنەمىن، 10 سىنىپتىق بىلىممەن الىسقا بارمايسىڭ. ونسىز دا ساعان ىستەيتىن ءىس جوق. ءبىزدىڭ جۇرگەنوۆ اتىنداعى اكادەمياعا ءتۇس. وندا كاميلا اسحات قىزى تالعامىڭدى رەتكە كەلتىرەدى. سەمىرىپ، ءالىڭدى بىلمەي الەك بولعانشا ساۋاتىڭدى اش! ەشقاشان كەش ەمەس. ءبىر عاسىر ءومىر سۇرسەڭ دە، ءبىر عاسىر ءبىلىم ال!»، - دەپ جازعان ەدى ول.

بۇدان كەيىن جادو ومىردە وقىپ- توقىعانى بارىن كورسەتۋ ءۇشىن تۇسىپبايەۆانى سوتقا بەرگەن. ديزاينەردىڭ  Іnstagram-داعى رەسمي اۋككاۋنتىندا الماتىدا سوت وتىرىسى وتەتىندىگى جازىلدى.

 «ءبىز ءاربىر ايتقان ءسوزىمىز ءۇشىن جاۋاپتىمىز! ونىڭ ارعى كۇنى الماتىدا ديزاينەر @jado.sakhi مەن ءارتىس، ءانشى م. تۇسىپبايەۆا اراسىندا سوت وتىرىسى وتەدى. ەسكە سالساق، تۇسىپبايەۆا ديزاينەردى ءبىلىمى تاياز جانە «ارىق ەمەس» دەپ اتاعان ەدى... بۇل ارينە، قوعامدا شۋ شىعارعان ەدى»، - دەپ جازىلعان وندا.