04:55, 22 - جەلتوقسان 2016 | GMT +5
الماتى وبلىسىندا تۋريزم سالاسى قارقىندى دامۋدا
تالدىقورعان. قازاقپارات - الماتى وبلىسىندا تۋريزم سالاسى قارقىندى دامۋدا. ماسەلەن رايىمبەك اۋدانىنىڭ بيۋدجەتىنە بيىلعى جىلدىڭ 10 ايىندا اقىلى تۋريستىك قىزمەتتەن 11 ميلليون تەڭگەدەن استام قاراجات تۇسكەن، دەپ حابارلايدى «قازاقپارات» ح ا ا ءتىلشىسى.
اۋدان اكىمى جانات تاجيەۆتىڭ ايتۋىنشا، بيىل اۋدانعا 15 مىڭنان استام دەمالۋشى كەلگەن. ونىڭ باسىم بولىگى شەتەلدىك قوناقتار. قازىرگى ۋاقىتتا رايىمبەك اۋدانىندا تۋريزمدى دامىتۋ بويىنشا، مىڭجىلقى جايلاۋىندا «دجادي- ۆيللا» اتتى دەمالۋشىلارعا قىزمەت كورسەتۋ ورنى سالىنىپ جاتىر. جانە ساتى اۋىلىنىڭ شەڭبەرىنەن تۋريستىك نىسانداردى ىسكە قوساتىن ينۆەستورلارعا 12 گەكتار جەر تەلىمى ءبولىندى. ودان وزگە، 2017 -جىلى «كولساي كولدەرى» تابيعي پاركىندە ورنالاسقان 10 قوناق ۇيگە قايتا جاڭعىرتۋ جۇمىستارى جۇرگىزىلەدى.
اۆتور: سامال قابىشيەۆا
