قىتاي قازاقستاننىڭ تاۋارلارىنا قاتتى قىزىعا باستادى
اۋقىمدى شاراعا قازاقستاننىڭ 11 وڭىرىنەن، سونىڭ ىشىندە الماتى وبلىسىنان 25 وتاندىق تاۋار وندىرۋشىلەر قاتىستى، - دەپ حابارلايدى «قازاقپارات» ح ا ا ءتىلشىسى.
حالىقارالىق جارمەڭكەگە الماتى وبلىسىنان «جاركەنت كراحمال زاۋىتى» ج ش س جانە «پەرۆوماي تاعام كومبيناتى» ج ش س وكىلدەرى قاتىسقان بولاتىن. قىتايلىق تاراپ قازاقستاندىق تاۋارلارعا ۇلكەن قىزىعۋشىلىق تانىتىپ قانا قويماي، ەكونوميكانىڭ ءتۇرلى باعىتى بويىنشا ىنتىماقتاستىق ورناتۋعا ءازىر ەكەندىكتەرىن ءبىلدىردى. مىسالى بۇكىل قىتايلىق اۋىل شارۋاشىلىعى ساۋدا پالاتاسىنىڭ باسشىسى ۆان تسزيۋنحاو قازاقستاندىق تاعامدار مەن اۋىلشارۋاشىلىق ونىمدەرىنە قىتايلىق تۇتىنۋشىلار قاتتى قىزىعاتىنىن العا تارتادى. ونىڭ ايتۋىنشا، قازاقستاندىق ساپالى تاۋارلاردى قىتاي نارىعىندا وتكىزۋدىڭ مۇمكىندىگى زور.
كاسىپكەرلىكتى دامىتۋدىڭ وڭىرلىك كارتاسى اياسىنداعى 12 ينۆەستيتسيالىق جوبا دا قىتاي كاسىپكەرلەرىنىڭ ەرەكشە نازارىنا ىلىكتى. ولاردىڭ قاتارىندا «يرادا- بالىق» ج ش س جانە «كرينتەل» ج ش س جوبالارى بار. «ءبىزدىڭ كاسىپكەرلەر ۇسىنعان تاۋارلار نەگىزىنەن قىتايدا دا وندىرىلەدى. ءبىراق سوعان قاراماستان قىتاي ەلىنىڭ قازاقستاندىق ونىمگە قىزىعۋشىلىعى جوعارى. سەبەبى ءبىزدىڭ ونىمدەر ەكولوگيالىق تۇرعىدان تازا جانە ساپاسى جوعارى. سوندىقتان بولسا كەرەك، بەيجىڭدەگى جارمەڭكەدەن سوڭ، باسقا ولكەلەر ءوز وڭىرلەرىندە كەزدەسۋ ۇيىمداستىرۋعا تىلەك ءبىلدىردى. ءتىپتى قىتايلىق تاراپ جاڭا جىل مەرەكەسى قارساڭىندا قازاقستاندىق وندىرۋشىلەردىڭ تاۋارلارىن بەيجىڭنىڭ ءىرى بازارلارىنىڭ بىرىندە ساتىلىمعا شىعارۋدى ۇسىنىپ وتىر»، دەدى «يرادا- بالىق» ج ش س ديرەكتورى سۋريام يزيموۆا.
ونىڭ ايتۋىنشا، بۇل تاۋارلاردى ناسيحاتتاۋعا زور مۇمكىندىك بەرەدى. سونىمەن قاتار، شارا اياسىندا كاسىپكەرلەر، بەيجىڭدە ءبىلىم الىپ جاتقان قازاقستاندىق ستۋدەنتتەرمەن كەزدەستى. ايتا كەتەرلىگى، قازان ايىنىڭ باسىندا حۋنان ولكەسىندە كاسىپكەرلىكتى دامىتۋدىڭ وڭىرلىك كارتاسى جوبالارىنىڭ تانىستىرىلىمى وتكەن بولاتىن. وندا دا الماتى وبلىسىنىڭ ينۆەستيتسيالىق جوبالارى تانىستىرىلعان ەدى.
اۆتور: سامال قابىشيەۆا 
