استانادا وتكەن فوتوكورمەدە ۇلى جىبەك جولى بويىنداعى ەلدەردىڭ مادەنيەتى كورسەتىلدى- فوتو
كورمەنى قازاقستان- دۇڭعان قاۋىمداستىعى مەن قازاقستانداعى قىتاي ەلشىلىگىنىڭ قولداۋىمەن ق ح ر نيڭشيا دوستىق جانە مادەنيەت حالىقارالىق يسلام قاۋىمداستىعى ۇيىمى ۇيىمداستىردى.
كورمەنىڭ ماقساتى قازاقستاندىقتاردى الەمنىڭ 65 ەلىندە جاسالعان فوتوونەر شەبەرلەرىنىڭ ۇزدىك جۇمىستارىمەن تانىستىرۋ. بۇل 200 فوتو 80 مىڭ جۇمىستىڭ ىشىنەن تاڭداپ الىندى. ۇيىمداستىرۋشىلاردىڭ ايتۋىنشا، مۇندا ءار ەلدەگى يسلام حالىقتارىنىڭ ءومىرى، تۇرمىسى، مادەنيەتى تولىق ءارى ءتيىمدى كورسەتىلەدى.
اشىلۋ راسىمىندە قازاقستاندا ق ح ر ەلشىلىگىنىڭ ىستەرىنە ۋاقىتشا سەنىم بىلدىرىلگەن ليۋ تسزيانپين حانىم 2013 -جىلى نازاربايەۆ ۋنيۆەرسيتەتىندە «جىبەك جولى ەكونوميكالىق بەلدەۋى» باستاماسى ايتىلعاننان كەيىن قازاقستان مەن قىتاي اراسىنداعى ىنتىماقتاستىق ەكى ەسەگە ارتقانىن اتاپ ءوتتى.
بۇگىندە قازاقستان قىتايدىڭ ستراتەگيالىق ارىپتەسى، تاتۋ كورشىسى. ەكى ەل ۇكىمەتتەرى «نۇرلى جول» مەن «جىبەك جولىنىڭ ەكونوميكالىق بەلدەۋى» باعدارلامالارىنىڭ ءتۇيىسۋى جوسپارىن ازىرلەدى، ول ەكى ەل حالقىنىڭ دامۋى مەن گۇلدەنۋىنە ىقپال ەتەدى.
«ءبىزدىڭ مىندەتىمىز - ءار حالىق، الەم ەلدەرىندەگى يسلام الەمىن كورسەتۋ، - دەدى ق د ق پرەزيدەنتى ح. ش. ءداۋىروۆ. جينالعان قاۋىم يسلامنىڭ كەرەمەت الەمى، تاعدىرى، ەرەكشە ساتتەرى تۇسىرىلگەن فوتوسۋرەتتەردى تاماشالادى. سۋرەتتەردە جىبەك جولى حالىقتارىنىڭ دا مادەنيەتىن تانىپ- بىلۋگە بولادى.
بۇل فوتوكورمە ق ر تاۋەلسىزدىگىنىڭ، قازاقستان مەن قىتاي اراسىنداعى ديپلوماتيالىق قاتىناستاردىڭ ورناۋىنىڭ 25 جىلدىعىنا، سونداي- اق جىبەك جولى ەكونوميكالىق بەلدەۋى باستاماسىنىڭ 3 جىلدىعىنا ارنالدى.
كورمەگە قونايەۆ كوشەسى، 14- ءۇي بويىنشا «حاس سانات» فوتوگالەرەياسىنا 22-24 - جەلتوقسان ارالىعىندا نيەت بىلدىرۋشىلەر كەلۋلەرىنە بولادى.
