قازاقستاندا شەتەل ينۆەستورلارى قانداي قيىندىقتارعا تاپ بولىپ ءجۇر
بۇل تۋرالى قازاقپارات تىلشىسىنە ق ر يدم ينۆەستيتسيالار كوميتەتىنەن حابارلادى. «2016 -جىلدىڭ قاڭتار- قاراشاسىندا ينۆەستيتسيالىق ومبۋدسمەننىڭ اتىنا شەتەلدىك جانە وتاندىق ينۆەستورلاردان 45 جاڭا ءوتىنىم كەلىپ ءتۇستى. ونىڭ ىشىندە 40 پايىزعا جۋىعىنا قاتىستى وڭتايلى ناتيجە بار، 30 پايىزى سوتتىڭ تالقىلاۋىنا بايلانىستى قاراستىرىلمايتىن بولدى، ال قالعاندارى بويىنشا ءتيىستى جۇمىستار جۇرگىزىلىپ جاتىر» ، - دەلىنگەن ۆەدومستۆو جاۋابىندا.
كوميتەت وكىلدەرى ينۆەستورلار كوبىنەسە سالىقتىق، كەدەندىك جانە ەڭبەك زاڭناماسى باعىتتارىندا قيىندىقتارعا تاپ بولاتىنىن، سونداي- اق ليتسەنزيالاۋ مەن جەر قاتىناستارى سالاسىندا كەدەرگىلەر بار ەكەندىگىن جەتكىزدى. ينۆەستورلار وتىنىمدەرىن قاراستىرۋ ناتيجەسى بويىنشا قازاقستان رەسپۋبليكاسى زاڭناماسىنا وزگەرتۋلەر مەن تولىقتىرۋلار ەنگىزۋ جونىندە ۇسىنىستار ازىرلەندى. وسى رەتتە ۇسىنىستار ءتيىستى مەملەكەتتىك ورگانداردىڭ قاراۋىنا جىبەرىلگەن كورىنەدى. بۇگىندە اتالعان پىكىرلەردى نازارعا الا وتىرىپ، ەلىمىزدىڭ زاڭناماسىن جاقسارتۋ ماسەلەلەرى تىڭعىلىقتى قارالىپ جاتىر.
ەسكە سالا كەتەيىك، ق ر ينۆەستيتسيالار جانە دامۋ ءمينيسترى جەڭىس قاسىمبەك ق ر ۇكىمەتىنىڭ قاۋلىسىمەن ينۆەستيتسيالىق ومبۋدسمەن قىزمەتىن اتقارۋدا.
اۆتور: رۋسلان عابباسوۆ
