ۇيعىر حالقىنىڭ ۇلتتىق تاعامى الەمدىك رەكورد ورناتتى

استانا. قازاقپارات - قىتايدىڭ شىنجاڭ ولكەسى چەرچەن اۋدانىنىڭ جەرگىلىكتى تۇرعىندارى «كۇمەش نان» دەپ اتالاتىن ۇيعىر حالقىنىڭ ۇلتتىق تاعامىن جاساپ، الەمدىك گيننەستىڭ رەكوردتار كىتابىنا ەندى.

قىتايلىق اقپارات قۇرالدارىنىڭ حابارلاۋىنشا، كۇمەش ناننىڭ رەكوردتار كىتابىنا كىرۋىنە سەبەپ ونىڭ ۇلكەندىگىندە بولىپ وتىر.

ونىڭ ديامەترى 3,65 مەتر، 300 كەلى ۇن، 200 كەلى قوي ەتى جانە 60 كەلى پياز قولدانعان. اسپازشىلار تاعامدى دايىنداۋعا 4 ساعات ۋاقىت سارپ ەتكەن ەكەن. كۇمەش نان بىزگە ءمالىم ۇيعىردىڭ سامسا جانە ەت نانىنان جاسالۋ جاعىنان ەرەكشەلەنەدى. ۇيعىر جاستارى ونى ۇلتتىق «پيتسسا» دەپ ەسەپتەيدى. اعاش وتىننان جاعىلعان وتتىڭ جالىنى سونگەننەن كەيىن، ۇنعا ەت جانە پيازدى ورىپ دوڭگەلەك پىشىندە دايىندالعان قامىردى ىستىق كۇلگە كومەدى. ءبىر ساعاتتىڭ اينالاسىندا دايىن بولعان ناندى كۇلىنەن تازالاپ جەۋگە بولادى.

 اۆتور: مۇحتار قاليموللا ۇلى