12:36, 21 - جەلتوقسان 2016 | GMT +5
قازاقستان - قىتاي شەكاراسىندا جارتى تونناعا جۋىق ءدارى-دارمەك تاركىلەندى
استانا. قازاقپارات - قازاقستان - قىتاي شەكاراسىندا قازاقستاندىق شەكاراشىلار جارتى تونناعا جۋىق ءدارى-دارمەكتەردى زاڭسىز الىپ وتپەك بولعانداردىڭ جولىن كەستى.
بۇل تۋرالى ق ر ۇ ق ك ش ق باسپا ءسوز قىزمەتىنەن حابارلادى. اتاپ ايتقاندا، «قورعاس» باقىلاۋ-وتكىزۋ بەكەتىنىڭ شەكارا ناريادى سالماعى 490 كيلوگرام بولاتىن، قىتاي ەلىندە شىعارىلعان ءدارى-دارمەكتەردى ىلەستىرمە قۇجاتتارىنسىز الىپ وتۋگە تىرىسقان جەرىنەن 26 جاستاعى قازاقستاندىق ازاماتتى ۇستاۋعا ءماجبۇر بولدى.
ۇستالعان ازامات شەكارالىق ىنتىماقتاستىقتىڭ حالىقارالىق ساۋدا ورتالىعىنان قازاقستان جاققا قاراي كەلە جاتىر ەكەن. اتالعان دەرەك بويىنشا «التىنكول» كەدەن بەكەتىنىڭ قىزمەتكەرلەرى حابارلاندىرىلدى.
