روي دجونس قاراعاندىداعى بوكس تۋرنيرىندە رەپ ورىنداپ بەردى - كەسكىن
بۇعان دەيىن حابارلاعانىمىزداي، قاراعاندىدا قاز ك س ر ەڭبەگى سىڭگەن جاتتىقتىرۋشى ع. جارىلعاپوۆتى ەسكە الۋعا ارنالعان ءداستۇرلى XXXIII حالىقارالىق بوكس تۋرنيرى ءوتىپ جاتىر. ۇيىمداستىرۋشىلاردىڭ مالىمەتىنە سۇيەنسەك، تۋرنيرگە قازاقستان، قىتاي، تاجىكستان، وزبەكستان، رەسەي مەن قىرعىزستان ەلدەرىنەن 100 دەن استام بوكسشى قاتىسۋدا. بەس كۇن بويى 10 سالماق دارەجەسىندەگى جەكپە-جەكتەر وتەدى.
ەسكە الا كەتەيىك، جاتتىقتىرۋشىنىڭ ۇلى، تۋرنيردىڭ ۇيىمداستىرۋشىسى نۇرعازى جارىلعاپوۆتىڭ شاقىرتۋىمەن ەكى جىل بۇرىن روي دجونس قاراعاندىعا كەلگەن بولاتىن. امەريكالىق بوكسشى قازاقستاندىقتاردىڭ قوناقجايلىلىعىنا ءتانتى بولعان.
قاز ك س ر ەڭبەگى سىڭگەن جاتتىقتىرۋشى ع. جارىلعاپوۆتى ەسكە الۋعا ارنالعان XIXX حالىقارالىق بوكس تۋرنيرىندە روي دجونس رەپ- ورىنداۋشى رەتىندە قاتىسقان. ول جاندى داۋىستا ءۇش ءانىن ورىنداعان بولاتىن. ەندى وسى XXXIII حالىقارالىق بوكس تۋرنيرىندە دە روي ءوزى شىعارعان رەپتى ورىنداپ بەردى.
