تۇركىمەنستان قازاقستانمەن ۆيزاسىز رەجيمدى توقتاتتى
كورشى ەلدىڭ بيلىگى شەتەل ازاماتتار كەلۋىنىڭ وڭايلاتىلعان ءتارتىبىن توقتاتتى، دەپ حابارلايدى «قازاقپارات» ح ا ا ءتىلشىسى.
ەسكە سالا كەتەيىك، ءبىزدىڭ ەلىمىزدىڭ ماڭعىستاۋ وبلىسىندا تۇراقتى تۇراتىن ازاماتتارى تۇركىمەنستاننىڭ بالقان ۋالاياتىنىڭ اۋماعىنا ۆيزاسىز بەس تاۋلىككە دەيىن كىرىپ-شىعۋىنا مۇمكىندىك بەرىلگەن ەدى.
قازاقستان ازاماتتارىنىڭ مەكەنجايى جەكە كۋالىكتەرىندە (ءتول قۇجاتتارىندا) تىركەلگەن جەر ارقىلى انىقتالادى.
«قاۋىپسىزدىك شارالارى كۇشەيدى. وسىعان وراي ەلگە كىرۋدىڭ وڭايلاتىلعان رەجيمى توقتاتىلدى. بۇل شارالار بىرنەشە كۇنگە سوزىلعان سياقتى. تۇركىمەنستان رەسپۋبليكاسىنىڭ ۇلتتىق زاڭناماسىنا سايكەس، قازاقستان ازاماتتارى وڭايلاتىلعان مەرزىمنەن كوپ توقتالاتىن بولسا، بەلگىلەنگەن ءتارتىپ نەگىزىندە ۆيزامەن جۇزەگە اسادى. وڭايلاتىلعان تارتىپپەن كىرگەن ق ر ازاماتتارى تۇركىمەنستان اۋماعىنا بەلگىلەنگەن ايماقتان حالىقارالىق حابارلامادا انىقتالعان بەكەتتىڭ رۇقساتناماسىمەن شىعارىلادى»، - دەپ ءتۇسىندىردى ماڭعىستاۋ وبلىستىق مەملەكەتتىك كىرىستەر دەپارتامەنتىنىڭ باس مامانى ماقسات اقمۇراتوۆ.
