وباما اركتيكا اۋماعىنىڭ كەيبىر بولىكتەرىنەن مۇناي مەن گاز وندىرۋگە تىيىم سالدى

استانا. قازاقپارات - ا ق ش پرەزيدەنتى باراك وباما اركتيكا اۋماعىنىڭ كەيبىر بولىكتەرىنەن مۇناي مەن گاز وندىرۋگە تىيىم سالدى.

بۇل تۋرالى اق ءۇيدىڭ سايتىندا ا ق ش پەن كانادانىڭ بىرلەسكەن مالىمدەمەسىندە ايتىلعان.

امەريكاندىق تاراپ اتلانت مۇحيتى مەن الياسكا جاعالاۋىندا، چۋكوت جانە بوسفورت تەڭىزدەرىنىڭ اۋماعىندا كەن وندىرۋگە تىيىم سالدى.

بۇل شەشىم ءاربىر بەس جىل سايىن قايتا قارالادى، دەپ جازادى russian.rt.com. امەريكاندىق كوشباسشى ءوز Twitter- ىندە سولتۇستىك مۇزدى مۇحيت اۋماعىنداعى كەن وندىرۋگە تىيىم سالۋ عالامشاردى قورعايتىندىعىن، ترۋدو ەكەۋىنىڭ مۇنداي شەشىم قابىلداعاندارىن ماقتان ەتەتىنىن جازدى.