08:49, 21 - جەلتوقسان 2016 | GMT +5
بەرليندەگى لاڭكەستىكتى «يسلام مەملەكەتى» ءوز موينىنا الدى
استانا. قازاقپارات - «يسلام مەملەكەتى» لاڭكەستىك توبى (ق ر اۋماعىندا تىيىم سالىنعان) بەرليندە بولعان تەراكتى ءۇشىن جاۋاپكەرشىلىكتى ءوز موينىنا الدى، دەپ حابارلايدى قازاقپارات رەسەي جاڭالىقتارى اگەنتتىگىنە سىلتەمە جاساپ.
ەسكە سالايىق، دۇيسەنبى كۇنى كەشكە بەرلين ورتالىعىندا جۇك كولىگى روجدەستۆولىق بازارعا جينالعان قالىڭ جۇرتتىڭ اراسىمەن ءجۇرىپ وتكەن بولاتىن. سالدارىنان 12 ادام كوز جۇمىپ، 50 دەن استامى اۋرۋحاناعا جەتكىزىلدى. گەرمانيا كانتسلەرى انگەلا مەركەل مۇنى رەسمي تۇردە تەراكت دەپ تانىدى.
بۇگىن قازاقستان پرەزيدەنتى نۇرسۇلتان نازاربايەۆ ا. مەركەلگە، قازا بولعانداردىڭ تۋىستارى مەن جاقىندارىنا، سونداي-اق بارشا گەرمانيا حالقىنا قازاقستان حالقىنىڭ جانە جەكە ءوزىنىڭ اتىنان كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
