بايان ماقسات قىزى جاڭا سەريال ءتۇسىرىلىمىنىڭ العاشقى كادرىن كورسەتتى - كەسكىن
بايان ماقسات قىزى قازان ايىندا ۇلتتىق ناقىشتاعى ءسان كونكۋرسىنىڭ تاريحىن كوپشىلىككە ۇسىناتىنىن جاريالادى. باستى كەيىپكەردىڭ ءرولىن 16 جاسار گۇلزادا تۇرلاش سومدايدى. فيلم پروديۋسەرى بۇرىن ايتقانداي، سەريالدى تۇسىرۋشىلەر «جاڭا ەسىم» ىزدەگەن، سوندىقتان دا باستى رولگە كونكۋرستىڭ بۇرىنعى جەڭىمپازدارىن شاقىرمادى.
الەۋمەتتىك جەلىلەرگە سالىنعان جاريالانىمدارعا قاراپ، ءتۇسىرىلىمنىڭ تۇنگى ۋاقىتتا دا ءجۇرىپ جاتقانىن بايقاۋعا بولادى. پروديۋسەر سەريالدىڭ بىرنەشە قويىلىمىن - قازىلار القاسىنىڭ ۇمىتكەرلەردى تالقىلاۋى، كونكۋرس ساحناسىنان تىس وقيعالار، سونداي-اق «قازاق ارۋى» مىندەتتى كەزەڭى بولىپ تابىلاتىن دارىندىلار شوۋىن جاريالادى.
ايتا كەتەيىك، «قازاق ارۋى» كونكۋرسى جىل سايىن ناۋرىز ايىندا وتكىزىلەدى. بيىلعى جىلى وسىمەن التىنشى رەت بولىپ ءوتتى. جوبانىڭ شارتى بويىنشا، قىزدار قازاق ءتىلىن ەركىن مەڭگەرىپ، ادەبيەت، تاريح، قازاق حالقىنىڭ سالت-ءداستۇرى مەن ادەت-عۇرپىنان حاباردار بولۋلارى ءتيىس.
ينتەللەكتۋالدىق قابىلەتتەرىمەن قاتار، قىزداردىڭ سىرتقى بەت-بەينەسىنە قاتاڭ ءمان بەرىلەدى. ەسكە سالا كەتەيىك، ءتۇرلى جىلدارى «قازاق ارۋى» تيتۋلىن گۇلناز جولانوۆا، كامشات قوسكەلوۆا، ايگەرىم قاناتبايەۆا، ايعانىم وتەپبەرگەنوۆا، الميرا احاتوۆا جەڭىپ العان.
Сцена - обсуждение жюри 😄 и на самом деле вот так и спорим на конкурсе #есентайпродакшн🐎 #сериалказакаруы
Наш сериал обещает быть ярким, интересным и впечатляющим. Сейчас снимаем творческие номера гала шоу. Все устали, но важнее всех искусств, является все же КИНО 😊 #сериалказакаруы #есентайпродакшн🐎
