قارجى مينيسترلىگى جاسىرىن مۇلكى مەن اقشاسى بارلارعا اكسيانىڭ سوڭعى كۇنىن ەسكە سالدى

استانا. قازاقپارات - قازاقستان رەسپۋبليكاسىنىڭ قارجى مينيسترلىگى مۇلىكتى جانە قاراجاتتى زاڭداستىرۋ اكسياسى 2016 -جىلدىڭ 31 -جەلتوقسانىندا اياقتالاتىنىن ەسكە سالىپ وتىر، دەپ حابارلايدى قازاقپارات.

ناۋقان 31 -جەلتوقسان كۇنى توقتاعانىمەن، جاريا ەتىلەتىن مۇلىك پەن اقشانىڭ قۇجاتتارى 23 جەلتوقسانعا دەيىن تاپسىرىلۋى كەرەك. «ق ر قارجى مينيسترلىگى مۇلىكتى زاڭداستىرۋ اكسياسى 31 -جەلتوقسان كۇنى اياقتالاتىنىن ەسكە سالادى. ءبىراق، مەملەكەتتىك كىرىستەر ورگاندارىنا دەكلاراتسيا تاپسىرۋ ۋاقىتى زاڭداستىرۋ مەرزىمى اياقتالماي تۇرىپ، بەس كۇن بۇرىن تاپسىرىلۋى كەرەك. ياعني، مۇلىك پەن اقشانى زاڭداستىرۋ ءۇشىن مەملەكەتتىك كىرىستەر ورگاندارىنا دەكلاراتسيانى 23 جەلتوقساننان كەشىكتىرمەي تاپسىرۋ قاجەت»، دەپ حابارلادى ۆەدومستۆونىڭ باسپا ءسوز قىزمەتىنەن.

ەستەرىڭىزگە سالا كەتەيىك، ەلباسى نۇرسۇلتان نازاربايەۆتىڭ تاپسىرماسىنا وراي، قازاقستاندا مۇلىكتى جانە اقشانى جاريا ەتۋ اكسياسى 2014 -جىلدىڭ 1 -قىركۇيەگىندە باستالدى.

اۆتور: كەنجەكەي توقتامۇرات قىزى