ءابۋ- دابيدە ازيالىق بوكستىڭ دامۋ ماسەلەلەرى تالقىلاندى
وتىرىستا قارجىلىق ەسەپ پەن الداعى جىلدىڭ بيۋدجەتى، سونىمەن قاتار قۇرلىقتىق بوكستىڭ دامۋ جوسپارى تالقىلاندى. «اتالمىش ءىس- شارا اياسىندا ASBC اتقارۋ كوميتەتى مۇشەلەرى مارتەبەلى شەيح نايان بين مۋباراك ال نايانمەن، مادەنيەت، جاستار جانە الەۋمەتتىك دامۋ ىستەرى بويىنشا مينيسترىمەن كەزدەستى»، - دەپ ايتىلادى حابارلامادا.
- ءبىز ۇلتتىق فەدەراتسيامىزعا قاجەتتى مەملەكەتتىك قولداۋ كورسەتۋگە دايىنبىز. جاقىن بولاشاقتا بوكستان چەمپيونات وتەدى دەپ ۇمىتتەنەمىز، - دەپ اتاپ ءوتتى شەيح ال نايان. ASBC اتقارۋ كوميتەتى وتىرىستا 2017 -جىلدا وتەتىن جارىستاردىڭ كۇنتىزبەسىن بەكىتتى. حالىقارالىق اۋەسقوي بوكس قاۋىمداستىعىنىڭ (AIBA) ۆيتسە- پرەزيدەنتى، ASBC پرەزيدەنتى سەرىك قوناقبايەۆ: «ەرەسەكتەر اراسىنداعى بوكستان ازيا چەمپيوناتى يندونەزيادا مامىر ايىندا، جاستار اراسىنداعى بوكستان ازيا چەمپيوناتى تايلاندتا ماۋسىم ايىندا، 19-22 جاستاعى جاستار اراسىنداعى بوكستان ازيا چەمپيوناتى فيليپپيندە تامىز ايىندا، ايەلدەر اراسىنداعى بوكستان ازيا چەمپيوناتى ۆەتنامدا قازان ايىندا وتەدى»، - دەپ مالىمدەدى.
بۇگىن شۆەيتساريادا الداعى بوكس وليمپياداسىن دامىتۋ ماسەلەلەرى قارالاتىن AIBA كەزەكتەن تىس كونگرەسى ءوز جۇمىسىن باستادى.
