ەلىمىزدە ەكى وبلىستىڭ اۋماعىنداعى رەسپۋبليكالىق جولدار جابىق

استانا. قازاقپارات - قازىرگى ۋاقىتتا اقمولا جانە قاراعاندى وبلىستارى اۋماعىنداعى رەسپۋبليكالىق ماڭىزى بار جولدار جابىق تۇر، دەپ حابارلايدى قازاقپارات.

«قازاقاۆتوجول» ر م ك- نىڭ مالىمەتىنە قاراعاندا، بورانعا بايلانىستى «استانا- پەتروپاۆل» جولىنىڭ 18-231 شاقىرىمىنداعى استانا مەن بۋراباي ارالىعىندا كولىك قوزعالىسى شەكتەلدى. بۇدان بولەك، «ەكاتەرينبۋرگ- الماتى» جولىنىڭ بويىنداعى س ق و شەكاراسىنان باستاپ ەلوردانىڭ ىرگەسىندەگى قاجىمۇقان اۋىلى ۋچاسكەسىنە دەيىن جول جابىلدى. سونىمەن قاتار وسى جولدىڭ بويىنداعى استانا مەن تەمىرتاۋ قالاسىنىڭ اراسىنداعى ۋچاسكەدە دە كولىكتەردىڭ جولعا شىعۋىنا تىيىم سالىنعان.

مۇنىمەن قوسا، «استانا- قابانباي باتىر- كيەۆكا- تەمىرتاۋ» اۆتوجولىنىڭ 16-51 -شاقىرىمىنداعى استانا مەن قاراعاندى وبلىسى شەكاراسىنا دەيىنگى ۋچاسكەدە كولىك قوزعالىسىنا شەكتەۋ بار.

اۆتور: رۋسلان عابباسوۆ