تۇركياداعى رەسەي ەلشىسىن ءولتىرۋ بارىسىنداعى تاڭقالارلىق كادرلاردىڭ اۆتورى: مەن مۇنى قويىلىم دەپ ويلادىم
«كالينينگرادتان كامچاتكاعا دەيىن ساياحاتشىلاردىڭ كوزىمەن» دەپ اتالاتىن كورمەگە فوتوگراف «ۇيىنە جول- جونەكەي» بولعان سوڭ، كىرە سالعان. فوتوگرافتىڭ سوزىنشە، «بۇل ستاندارتتى شارا» بولعان. «سوندىقتان قارا كوستيۋمدەگى، گالستۋك تاققان ەر ادام تاپانشاسىن شىعارعان ساتتە مەن تاڭ قالدىم، ءبىراق كوڭىل اۋدارتۋ ءۇشىن جاسالعان تريۋك دەپ ويلادىم. شىن مانىندە، بۇل الدىن-الا جوسپارلانعان قاندى- قول قىلمىس. بارلىعى مەنىڭ جانە باسقا ادامداردىڭ كوز الدىندا بولىپ جاتتى. ەلشى ولتىرىلگەننەن كەيىن ءارقايسىسى تىعىلۋعا پانا ىزدەپ، ابىر-سابىر بولىپ كەتتى، - دەيدى فوتوگراف.
وزبيليدجي: «گالەرەيادا كەم دەگەندە سەگىز اتىس بولدى. قوناقتار جەرگە جاتىپ، ۇستەلدەردىڭ استىنا تىعىلا باستادى» دەپ باياندادى. «مەن قورىققانىمنان ابىرجىپ قالدىم، ءبىراق قابىرعانىڭ ارتىنا تىعىلىپ، ءوز جۇمىسىممەن اينالىستىم: سۋرەتكە تۇسىرە باستادىم»، - دەپ جالعاستىردى ءسوزىن ءدال اندرەي كارلوۆ ءسوز سويلەپ جاتقان كەزىندە كىرىپ كەلگەن فوتوگراف. «ول اقىرىن سويلەدى - وتانىما دەگەن ماحابباتپەن - مەنىڭ ەستىپ قالعانىم بويىنشا، - دەدى وزبيليدجي كارلوۆ سول مەزەتتە وزىنە اسا بايسالدى جانە قاراپايىم كورىنگەنىن قوسا ايتىپ. «ارتىنشا اتىسقا ۇلاسىپ، دۇربەلەڭ باستالدى». «مەنىڭ كوز الدىمدا ادام اجال قۇشتى، ونىڭ ءومىرى كوز الدىمدا ءبىتتى، بولعان نارسەنى ءتۇسىنۋ ءۇشىن بىرنەشە سەكۋندتار كەتتى»، - دەيدى فوتوگراف.
qamshy.kz
