الماتىدا ۇرى حابارلاما العاننان كەيىن يەسىنە سمارتفونىن قايتارىپ بەرگەن
بۇل وقيعا بەلگىلى كاسىپكەر، قالاداعى بىرنەشە رەستوراننىڭ يەسى قۋانىش شونبايدىڭ باسىنان وتكەن. ءوز باسىنان وتكەن قىزىقتى وقيعامەن ءبولىستى.
«مەن دوستارىممەن كومپيۋتەر كلۋبىندا Playstation ويىنىن ويناپ وتىرعانمىن. تەلەفون مەنىڭ وڭ جاعىمدا ديۆاندا تۇرعان. وسى كەزدە ۇرى ارتىمدا تۇرىپ، تەلەفوندى ۇرلاپ كەتكەن. تەلەفونىمنىڭ ۇرلانعانىن بىلگەندە بەينەباقىلاۋ كامەرالارىن قارادىم. سودان كەيىن، iPhone سمارتفونىنداعى ىزدەۋ جۇيەسىنە بىلاي دەپ جازدىم: «قۇرمەتتى ۇرى، مەندە سەنىڭ ۆيدەوڭ بار، ءوتىنىش تەلەفوندى قايتار. ونى كەز-كەلگەن مەن جۇمىس ىستەيتىن رەستورانداردىڭ بىرىنە تاستاپ كەت». وسىدان كەيىن مەن پوليتسياعا بارىپ تەلەفونىمنىڭ ۇرلانعانى تۋرالى ارىز بەردىم»، - دەدى شونباي.
كەلەسى كۇنى ۇرىنىڭ تۋىستارى رەستوراتورعا شىعىپ، وسى وقيعا ءۇشىن كەشىرىم سۇراعان. ولار تەلەفوندى يەسىنە قايتارعان. «مەن ەندىگى كەزەكتە پوليتسيادان ءوز ارىزىمدى قايتارىپ العىم كەلەدى، مەن ونى كەشىردىم»، - دەدى ول.
ايتا كەتەيىك، Apple گادجەتتەرىندە سمارتفوندى ىزدەۋ جۇيەسى بار. ۇرلانعان iPhone-دى كارتا ارقىلى تاۋىپ الۋعا بولادى.
