اقتوبە تۇرعىنى ۇيالى تەلەفونى جارىلىپ، اۋرۋحاناعا ءتۇستى

استانا. قازاقپارات - اقتوبەدە ۇيالى تەلەفونى جارىلىپ، كۇيىك العان قىز اۋرۋحاناعا جەتكىزىلدى، - دەپ حابارلايدى Tengrinews.kz ءتىلشىسى.

وقيعا 18 -جەلتوقساندا بولعان. اۋرۋحانانىڭ باس دارىگەرى راحىمجان ارىستاننىڭ ايتۋىنشا، زارداپ شەككەن قىز 1988 -جىلعى. «ناۋقاستىڭ ايتۋىنشا، تەلەفون قۋات الىپ تۇرعان كەزىندە جارىلعان. ول تەلەفونىن جانىنا قويىپ، ۇيىقتاپ قالعان. ونىڭ بەتىن، قولىن جانە جامباسى جانە كەۋدەسىن كۇيىك شالعان. ونىڭ جاعدايى ورتا دەڭگەيدە دەپ باعالانىپ وتىر»، - دەدى باس دارىگەر.

ول تەلەفون ماركاسىنىڭ قانداي ەكەنىن بىلمەيتىنىن ايتتى. ناۋقاستىڭ اۋرۋحانادا قانشا ۋاقىت جاتاتىنى دا بەلگىسىز. «مۇندايدى بولجاي المايمىن. ساۋىعىپ كەتپەيىنشە، اۋرۋحانادا بولادى. دەنساۋلىعى قالاي بولاتىنىن بىلمەيمىن. قاجەتتى ەم الىپ جاتىرى، - دەدى باس دارىگەر.

ەسكە سالايىق، وسىعان دەيىن قازاقستاندا تۇڭعىش رەت iPhone سمارتفونىنىڭ جارىلعانى حابارلانعان بولاتىن.