وققا ۇشقان ەلشى اندرەي كارلوۆتىڭ ەسىمى انكارا كوشەلەرىنىڭ بىرىنە بەرىلەدى

استانا. قازاقپارات - تۇركيا س ءى م باسشىسى مەۆليۋت چاۆۋشوعلى انكاراداعى رەسەي ەلشىلىگى ورنالاسقان كوشەگە قاستاندىقتان مەرت بولعان رەسەيلىك ەلشى اندرەي كارلوۆتىڭ ەسىمى بەرىلەتىنىن مالىمدەدى.

بۇل تۋرالى م. چاۆۋشوعلى ماسكەۋدە رەسەي سىرتقى ىستەر ءمينيسترى سەرگەي لاۆروۆپەن كەزدەسۋدە ءمالىم ەتتى، دەپ حابارلادى russian.rt.com. بۇعان دەيىن لاۆروۆ انكاراداعى رەسەيلىك ەلشى ا. كارلوۆتىڭ قازاسىن جاۋىزدىقپەن جاسالعان لاڭكەستىك وقيعا دەپ اتادى. 19 -جەلتوقسان كۇنى انكارادا «رەسەي كالينينگرادتان كامچاتكاعا دەيىن» اتتى كورمەنىڭ اشىلۋىندا ءسوز سويلەپ تۇرعان ەلشىنى قارۋلى ەر ادام اتىپ ءولتىردى.