زاڭ بۇزعان قازاقستاندىقتارعا وڭتۇستىك كورەياعا وتۋگە رۇقسات بەرىلمەدى

استانا. قازاقپارات - كوشى-قون زاڭناماسىن بۇزعان قازاقستاندىقتاردى وڭتۇستىك كورەياعا وتكىزۋدەن باس تارتتى.

بۇل تۋرالى «قازاقپارات» ح ا ا تىلشىسىنە قازاقستان س ءى م باسپا ءسوز قىزمەتىنەن حابارلادى. «كەشە، 19- جەلتوقساندا، قازاقستان ەلشىلىگىنىڭ جاردەمىمەن الماتىعا 18 ازامات جىبەرىلگەن. قالعاندارى بۇگىن ۇشادى»، - دەپ حابارلادى قازاقستاننىڭ سىرتقى ساياسي ۆەدومستۆوسىنان.

ق ر س ءى م اتاپ وتكەندەي، قازاقستاننىڭ بارلىق ازاماتتارى - و ق و تۇرعىندارى. «ولاردىڭ باسىم بولىگى زاڭسىز قىزمەتپەن اينالىسۋ ماقساتىندا وڭتۇستىك كورەياعا بارماقشى بولعان»، - دەدى جايناقوۆ.

بۇدان بۇرىن حابارلانعانداي، 18- جەلتوقساندا، 23 قازاقستاندىقتى وڭتۇستىك كورەياعا وتكىزۋدەن باس تارتقان. ق ر ازاماتتارى وڭتۇستىك كورەياداعى ينچحون اۋەجايىندا قالۋعا ءماجبۇر، سەبەبى ولار الماتىدان ۇشىپ كەلگەننەن كەيىن جەرگىلىكتى كوشى-قون پوليتسياسى ەلگە كىرگىزبەگەن.

قازاقستاندىقتار وڭتۇستىك كورەياعا تۋريست رەتىندە بارعاندىقتارىن ايتۋدا. الايدا كورەي كوشى-قون پوليتسيا قىزمەتكەرلەرى ولارعا سەنبەگەن.