قۋاندىق بيشىمبايەۆ قاشاعاننىڭ العاشقى پايداسى تۋرالى ايتتى

استانا. قازاقپارات - 2016 - جىلدىڭ قىركۇيەگىندە جۇمىسىن باستاعان قاشاعان مۇناي كەن ورنى قازاقستاننىڭ وسى جىلداعى مۇناي وڭدەۋ كورسەتكىشىن الدەقايدا جوعارلاتقان.

بۇل تۋرالى بۇگىن ۇكىمەت وتىرىسىندا ۇلتتىق ەكونوميكا ءمينيسترى قۋاندىق بيشىمبايەۆ ءمالىم ەتتى، دەپ حابارلايدى قازاقپارات.

 «2015 -جىلدىڭ قاراشاسىنداعى كورسەتكىشپەن سالىستىرساق، 2016 -جىلدىڭ قاراشاسىندا مۇناي وڭدەۋدەگى ءوسىم 3 پايىزدى قۇرادى. وسىلايشا، مۇناي الۋ بويىنشا 11 ايدا ءتيىستى جوسپاردى 2,4 پايىزعا ارتىعىمەن ورىندادىق»، - دەپ حابارلادى ق. بيشىمبايەۆ.

 «مۇناي وڭدەۋدەگى ءوسىم بويىنشا قىركۇيەكتە ىسكە قوسىلعان قاشاعان مۇناي كەن ورنى باستى فاكتورعا اينالدى. قاشاعاننىڭ ارقاسىندا قوسىمشا ءبىر تاۋلىكتە 75 مىڭ باررەل مۇناي الىپ وتىرمىز»، - دەدى قۋاندىق بيشىمبايەۆ.

 اۆتور: كەنجەكەي توقتامۇرات قىزى