امەريكالىقتار قازاقستاننان التى مىڭ بالا اسىراپ العان
مىسالى، ا ق ش- تا 6 مىڭ قازاق بالاسى بار. سىرتقى ىستەر ءمينيسترى ەرلان ىدىرىسوۆ ا ق ش- تاعى 1-2- كونسۋلدىڭ ءار بالاعا بارىپ تۇرۋعا مۇمكىندىگى جوعىن مويىندادى.
سوندىقتان مينيسترلىك قانداستارىمىزدىڭ حالى جونىندە مالىمەت بەرىپ وتىراتىن سونداعى اگەنتتىكتەر ەسەبىنە سەنۋگە ءماجبۇر. ال ا ق ش- تا قازاقستاندىق ەكى بالانى ەرلى-زايىپتى ۇزاق ۋاقىت قاماۋدا ۇستاپ، زورلىق كورسەتكەنىنەن كەيىن بالا بەرۋگە تىيىم سالىنعان.
الپاۋىت ەلدەن 6 مىڭ بالا جايىندا اقپارات الۋ دا قيىن بولىپ تۇر. سوندىقتان مينيسترلىك بالالار تۋرالى تولىق اقپارات قولعا تيمەيىنشە، ا ق ش- قا بالا بەرمەيمىز دەپ وتىر. ال بەس جىل بۇرىن ءدال وسى ەلدە جوعالعان بالا تۋرالى سۇراعان جۋرناليستەرگە مينيستر قاتقىل جاۋاپ قاتتى.
«شىنىمدى ايتسام، بۇل جايتتىڭ ءمان-جايى مەنىڭ ەسىمدە جوق. مىڭداعان فاكتىنى ءبىلۋىم مۇمكىن ەمەس. كىم، قاشان، قايدا؟ قاتەلەسسەم، جاعىمسىز بولارى انىق. سوندىقتان، امەريكا بويىنشا دا، گرۋزيا بويىنشا دا تەكسەرەمىز»، - دەيدى سىرتقى ىستەر ءمينيسترى ەرلان ىدىرىسوۆ.
