ەي، ورىس حالقى! ءوز اجالىڭنان ولگىڭ كەلمەيتىنى- اي!- ورىس كلاسسيكاسىنان ءتارجىمالار
* شىعارماشىلىقتان شىرايلى دا شىرىندى كاسىپ جوق شىعار.
* سوزگە ادال بولعان ءجون.
* ادەبيەت الەمىندە ءولىم جوق، مارقۇم بولعاندار تىرلىك ەتىپ جۇرگەن ءبىزدىڭ ارەكەتتەرىمىزگە ارالاسىپ، جانىمىزدا بولادى.
* اقىماقتىڭ ءسوزى نە، ءوزى نە دەسەك تە، كەيبىر ءسوزى اقىلدى ادامدى اداستىرادى.
* جاقسى اكەنىڭ تاربيەسىنە ەشبىر مەكتەپتىڭ تاربيەسى تەڭ بولا المايدى.
* پالەنشەكەڭنىڭ ورنىندا بولسا جۇرتتى جارىلقاپ تاستايتىنداي بولىپ جۇرەتىندەر ءوز ورنىندا دا قىزمەت ىستەپ ەشكىمدى جارىتپايدى. بۇكىل كەسەلدىڭ سەبەبى سوندا.
* اشۋ- ىزا وڭ ءىستىڭ دە ءوڭىن اينالدىرىپ جىبەرەدى.
* كىمگە بولسىن اشۋلانۋعا ءماجبۇر بولساڭ، سول ءحالىڭ ءۇشىن سول ساتتە وزىڭە دە اشۋلانۋدى ۇمىتپا.
* كۇن جارقىراپ تۇرسا، - كەيىپكەرىڭدى ىزدە، ال كۇڭگىرتتەنىپ تۇرسا، - جازۋعا كىرىس.
* ەگەر ورىستا قۋاتتى بولۋىنا قاۋىپتى بىتىسپەس جاۋ بار بولسا، ول - جالقاۋلىعى.
* ەشقانداي سەبەبى بولماعان كۇندە ايتەۋىر بىرەۋدى اياعىنان شالماسا جۇرە المايتىندار بار.
* مەنىڭ ەڭبەگىم، ويىم، اتى- ءجونىم رەسەيدىڭ مەنشىگى بولادى.
* دانەڭەدەن قورىقپايتىندار كۇلكى بولۋدان قورقادى.
* ءوزىڭ ءۇشىن ءوزىڭ جاۋاپتى بولعاننان ارتىق جوق.
* الدىن الا ماقتانۋ الجاسقانمەن بىردەي.
* وتان - جان- جۇرەگىڭ ىزدەيتىن ەڭ جايلى مەكەنىڭ.
* باسقالارمەن باسەكەلەسەيىن دەپ جازبايسىڭ، جان سىرىڭدى اقتارعىڭ كەلگەن سوڭ جازاسىڭ.
* قۇداي ءبىزدىڭ ءارقايسىمىزعا ءوزى بەرگەن ورىندا بولۋدى تاپسىردى. الايدا اينالاڭا قاراي ءجۇرۋىڭ كەرەك.
* كوز الدىڭداعى ۇلگىدەن كۇشتى اسەر جوق.
* بۇگىنگى ومىرگە ءجىتى ءۇڭىلىپ قاراساڭ، كەلەشەك كورىنە باستايدى.
* وزگەلەردىڭ ءوزىڭدى جاقسى كورەتىنىنەن بۇرىن ءوزىڭنىڭ وزگەلەردى جاقسى كورۋىڭدى ويلا.
* كوزگە كورىنبەيتىن كۇلكى كوزدەن جاس اعىزا الادى.
* ەي، ورىس حالقى! ءوز اجالىڭنان ولگىڭ كەلمەيتىنى- اي!
* مەن ونى جانىمنىڭ جانارىمەن كوردىم!
* حالىق ءانىنىڭ ماڭىزىن ايتۋدى ۇناتپايمىن. ول - حالىقتىڭ عاجاپ اسەرلى، جارقىن، اسەم، شىنايى تاريحى، ءومىرىنىڭ ءوزى!
* مەن شات- شادىمان، جايساڭ ءومىر سىرىن اشتىم، ال باقىتقا قۇمار جۇرت سونى كورە سالا قاشا باستادى.
ال م. ە. سالتىكوۆ- شەدرين شە؟ وقىلىق:
* بىزدە ءتىل تابىسۋ جوق: نە تابىنامىز، نە تاياق جەيمىز.
* ەۋروپانىڭ ءبىزدىڭ ءبىر سومعا جارتى قۇنىن بەرىپ جۇرگەنىنە شۇكىرشىلىك، ونىڭ ورنىنا مۇرنىمىزدى بۇزسا، قايتەر ەدىك.
* ورىس ايەلى كورگەن تاربيەسىنە، العان تالىمىنە قاراي ومىردە كونبەسكە كونىپ جۇرە بەرەدى.
* قاسيەتتى رۋستە ادام ءبىر نارسەگە تاڭدانعاننان اڭقيىپ قالسا، سول كۇيىندە ولەدى دە.
* ءبىز، ورىستار، دەنى دۇرىس تاربيە كورگەن جوقپىز. ءبىزدى قوعامنىڭ نەگىزىن جاقتاۋشى، ناسيحاتتاۋشى بەلسەندى ەتىپ قاتاڭ تۇردە شيرىقتىرمادى. سوندىقتان بىزدە جاعىمپاز از دا، سۋايت، ءدىنسىز، مىلجىڭ كوپ. بىزگە قوعامنىڭ قۇبىلىسىنا قاراي جاقسىاتانۋ كەرەك ەمەس، ويتكەنى قوعامنىڭ نەگىزى نە ەكەنىن بىلمەيمىز، قوعام دا ءبىزدى جارىلقايىن دەمەيدى. ءبىز بەت- بەتىمىزگە ءجۇرمىز، ەنجارمىز، وتىرىك ايتامىز، مىلجىڭقۇمارمىز، بىزدە ەشقانداي نەگىز جوق.
* ىلگەرىلەۋ - قيىن، شەگىنۋ - مۇمكىن ەمەس.
* كوبىمىز «وتان» مەن «جوعارى مارتەبەلىمدى» شاتىستىرىپ ءجۇرمىز.
* وتان - سەن بەت- بەينەسىن انىق بىلمەيتىن قۇپيالى ءتىرى جاراتىلىس، ءبىراق ونىڭ وزىڭە اسەرى بارىن سەزىنىپ جۇرەسىڭ، ويتكەنى ەكەۋىڭنىڭ كىندىكتەرىڭ ءبىر.
* ەلىنىڭ، جاقىندارىنىڭ تاعدىرىنا نەمقۇرايدى قارايتىن، تاعدىردىڭ ءبىر ءسات يىلۋىمەن الاقانىنا تۇسكەن التىندى كوبەيتۋدى عانا ويلايتىن ساڭلاۋسىز كىسى وتە قاۋىپتى.
* تەمىرجولدى باسقا ەلدەر قارىم- قاتناسقا پايدالانادى، ءبىز وعان قوسا ۇرلىققا پايدالانامىز.
* ەگەر مەن بۇگىن كوز جۇمىپ، ءجۇز جىلدان سوڭ ويانسام، مەنەن بۇگىندە رەسەيدە نە بولىپ جاتقانىن سۇراسا، مەن: اراق ءىشۋ مەن ۇرلىق جاساۋ بولىپ جاتىر، دەر ەدىم.
* رەسەي زاڭدارىنىڭ جۇمساق بولۋ سەبەبى: ولار ىسكە اسپايدى.
* ەڭ جامان زاڭدار رەسەيدە، الايدا ورىندالمايتىندىعىمەن جاقسى دا.
ءبارىن قازاقشا سويلەتكەن عابباس قابىش ۇلى
«جۇلدىز» جۋرنالى
