10:27, 20 - جەلتوقسان 2016 | GMT +5
يران پرەزيدەنتى قازاقستانعا كەلەدى
استانا. قازاقپارات - يران پرەزيدەنتى حاسان رۋحاني ءوزىنىڭ جاڭا ايماقتىق تۋرنەسى اياسىندا ارمەنيا، قازاقستان جانە قىرعىزستانعا كەلەدى. بۇل تۋرالى Pars Today پورتالى حابارلايدى.
«يران پرەزيدەنتى حاسان رۋحاني كورشىلەس جانە ايماقتىق ەلدەرمەن ىنتىماقتاستىقتى تەرەڭدەتىپ، بايلانىستى نىعايتۋعا باعىتتالعان ساياساتتى جالعاستىرۋ بارىسىندا سارسەنبى كۇنى 21 - جەلتوقساندا ارمەنيا پرەزيدەنتىنىڭ ارنايى شاقىرتۋىمەن ەريەۆانعا بارادى»، - دەدى جەكسەنبى كۇنى مەملەكەتتىك تەلەراديو جۋرناليستەرىمەن سۇحباتىندا يران ير پرەزيدەنت اكىمشىلىگى، بايلانىس جانە اقپارات ءبولىمى باسشىسىنىڭ ورىنباسارى پارۆيز يسمايلي.
سونىمەن بىرگە، پارۆيز يسمايلي رۋحانيدىڭ قازاقستان ەلورداسى - استاناعا باراتىنىن، وندا ەكى ەل پرەزيدەنتتەرىنىڭ كەلىسسوزدەرىنەن بولەك، جوعارى لاۋازىمدى دەلەگاسيالار وتىرىسى مەن ىنتىماقتاستىق تۋرالى قۇجاتتارعا قول قويۋ، يران پرەزيدەنتىنىڭ باسپا ءسوز كونفەرەنسياسى بولاتىنىن اتاپ ءوتتى.
