بەرليندە زارداپ شەككەن قازاقستاندىقتار تۋرالى اقپارات تۇسكەن جوق
بۇل تۋرالى ق ر ي د م تۋريزم يندۋسترياسى دەپارتامەنتىنىڭ ديرەكتورى مارات يعالي ءوزىنىڭ Facebook پاراقشاسىندا جازدى.
«ق ر ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتىنە زارداپ شەككەن قازاقستاندىق تۋريستەر تۋرالى اقپارات كەلىپ تۇسكەن جوق»، - دەپ جازدى ول. ق ر ي د م مينيسترلىگىنىڭ تۋريزم يندۋسترياسى دەپارتامەنتى گەرمانيا اۋماعىندا جۇرگەن تۋريستەردى ساق جۇرۋگە، ادام كوپ شوعىرلانعان ورىندارعا بارماۋعا شاقىرادى. الەمدىك ب ا ق- تىڭ حابارلاۋىنشا، 2016-جىلى 20- جەلتوقساندا بەرلين ورتالىعىنداعى برايتشايدپلاتس الاڭىندا ورنالاسقان روجدەستۆولىق جارمەڭكەدە جۇرگەن حالىقتى جۇك كولىگى سوققان، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.
سوڭعى دەرەكتەر بويىنشا، مەرت بولعاندار 12 ادامعا دەيىن ءوستى جانە 48 ادام اۋرۋحاناعا ءتۇستى. وقيعاعا كۋا بولعانداردىڭ ايتۋىنشا، جۇك كولىگى بۇكىل الاڭ بويىمەن ءجۇرىپ ءوتىپ، شىرشانىڭ جانىنا كەلىپ توقتاعان.
