قازاقستاندىق تۋريستەرگە تۇركيادا ساقتىق شارالارىن ۇستانۋ جايلى كەڭەس بەرىلدى
«ق ر ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى تۇركيا اۋماعىنداعى قازاقستاندىق تۋريستەردى قوناق ۇيدەن ۇزاماۋعا جانە ادام كوپ جينالعان ورىندارعا بارماۋعا شاقىرادى»، - دەپ جازدى ق ر ي د م تۋريزم يندۋسترياسى دەپارتامەنتىنىڭ ديرەكتورى مارات يعالي ءوزىنىڭ Facebook تەگى پاراقشاسىنا.
ەسكە سالا كەتسەك، 2016-جىلى 19- جەلتوقساندا انكارادا «رەسەي كالينينگرادتان كامچاتكاعا دەيىن» اتتى كورمەنىڭ اشىلۋىندا تۇركيا رەسپۋبليكاسىنداعى ر ف توتەنشە جانە وكىلەتتى ەلشىسى اندرەي كارلوۆقا قاستاندىق جاسالدى جانە ول الىنعان جاراقاتتان مەرت بولدى.
قازاقستان سىرتقى ىستەر مينيسترلىگى انكاراداعى رەسەيلىك ديپلوماتقا جاسالعان قاستاندىقتى قاتاڭ سىنادى جانە اتالعان وقيعاعا تۇركيا قۇقىق قورعاۋ ورگاندارى مۇقيات تەرگەۋ جۇرگىزەتىندىگىنە سەنىم بىلدىرەدى. سونداي-اق مارات يعالي مارقۇمنىڭ تۋعان-تۋىستارى مەن جاقىندارىنا جانە ارىپتەستەرىنە كوڭىل ايتتى.
