گۇلەن رەسەيلىك ديپلوماتتىڭ ولتىرىلۋىنە قاتىسى جوقتىعىن مالىمدەدى

استانا. قازاقپارات - ا ق ش- تا بوي تاسالاپ جۇرگەن تۇرىكتىڭ وپپوزيتسيالىق ءدىن ۋاعىزداۋشىسى فەتحۋللاح گۇلەن تۇركيادا ر ف ەلشىسى اندرەي كارلوۆتىڭ ءولتىرىلۋىن ايىپتادى، دەپ حابارلادى رەيتەر اگەنتتىگى گۇلەننىڭ كەڭەسشىسىنە سىلتەمە جاساپ.

بۇعان دەيىن تۇركيا استاناسىنىڭ مەرى مەليح گەكچەك انكارادا رەسەيلىك ەلشىنى ولتىرگەن ەر ادام پوليتسيا قىزمەتكەرى بولعاندىعىن جانە گۇلەن جەتەكشىلىك ەتەتىن عەتو توبىنىڭ مۇشەسى بولۋى مۇمكىندىگىن ءمالىم ەتكەن ەدى.

اگەنتتىكتىڭ جازۋىنشا، گۇلەن سونداي-اق قارۋلى شابۋىلعا ونىڭ ۇيىمىنىڭ ەش قاتىسى جوقتىعىن جانە قاۋىپسىزدىك قىزمەتىنىڭ ايىپتاۋلارى «كۇلكى شاقىراتىنىن» ايتقان.

رەسەي ەلشىسى اندرەي كارلوۆقا قارۋلى شابۋىل دۇيسەنبى كۇنى انكارادا جاسالدى. ر ف س ءى م بولعان وقيعانى تەراكت دەپ باعالادى. پۋتين ەلشىگە جاسالعان شابۋىل بويىنشا شۇعىل كەڭەس وتكىزدى.