قايرات نۇرتاستىڭ الماتىداعى كونسەرتىنە ارنايى اۆتوبۋستار قاتىنايدى

الماتى. قازاقپارات - 21- جەلتوقسان كۇنى الماتىداعى «الماتى ارەنا» مۇز سارايىندا قايرات نۇرتاستىڭ جەكە كونسەرتى وتەدى.

ءانشىنىڭ شىعارماشىلىق كەشىنە بارامىن دەۋشىلەر ءۇشىن ارنايى اۆتوبۋستار ۇيىمداستىرىلاتىن بولادى، دەپ حابارلايدى «قازاقپارات» ح ا ا ءتىلشىسى.

كورەرمەندەردىڭ قولايلىعى ءۇشىن ساعات 16:00 دە ب. شولاق اتىنداعى سپورت سارايىنان (اباي داڭعىلى- بايتۇرسىنوۆ كوشەسى) باستاپ «الماتى ارەناعا» دەيىن ارنايى باعدارلار قاتىناي باستايدى.

اۆتوبۋستار كونسەرت اياقتالعاننان كەيىن كەرى باعىتتا جۇرەدى. بيلەت قۇنى ءبىر باعىتقا 100 تەڭگەنى قۇرايدى. سونداي-اق «الماتى ارەناعا» دەيىن «ساياحات» ايالداماسىنان 7№ اۆتوبۋسپەن جانە «ب. شولاق اتىنداعى سپورت سارايى» ايالداماسىنان 57№ باعدارمەن جەتۋگە بولادى. قالالىق قوعامدىق كولىكتەردە ءجۇرۋ جول اقىسى - 80 تەڭگە.