08:24, 20 - جەلتوقسان 2016 | GMT +5
رەسەيلىك ەلشىگە قاستاندىق جاسالعان ءساتتىڭ ۆيدەوسى جاريالاندى
استانا. قازاقپارات - تۇركيادا رەسەيلىك ەلشى اندرەي كارلوۆقا قاستاندىق جاسالعان ءساتتىڭ ۆيدەوسى جاريالاندى، دەپ حابارلايدى ria.ru.
روليكتە كارلوۆتى بايانداما جاساپ تۇرعان كەزىندە اتقان.
ارنايى وپەراتسيانىڭ ناتيجەسىندە ولتىرىلگەن قانىشەردىڭ ميەۆليۋت مەرت التىنتاش ەكەندىگى اتالىپ وتىر. ول پوليتسيادا 2,5 جىل جۇمىس ىستەگەن. رەسەي كوشباسشىسىنىڭ باسپا ءسوز حاتشىسى دميتري پەسكوۆتىڭ ايتۋىنشا، پۋتين مەن تۇركيا پرەزيدەنتى رەدجەپ تاييپ ەردوعان تەلەفون ارقىلى سويلەسىپ، قايعىلى وقيعانى تالقىلاعان.
ولار تۇركياعا ەلشىنىڭ ءولىمىن تەكسەرۋ ءۇشىن رەسەيدىڭ تەرگەۋشىلەر توبىن جىبەرۋگە كەلىسكەن.
ەسكە سالا كەتسەك، رەسەي ەلشىسى 19 - جەلتوقسان كۇنى انكارادا «رەسەي كالينينگرادتان كامچاتكاعا دەيىن» اتتى كورمەنىڭ اشىلۋىندا ءسوز سويلەۋ بارىسىندا اتىپ ءولتىرىلدى. اندرەي كارلوۆ تۇركياداعى ەلشىلىك قىزمەتىنە 2013 -جىلدىڭ 12 - ماۋسىمىندا كىرىسكەن ەدى.
