08:02, 20 - جەلتوقسان 2016 | GMT +5
توقايەۆ: رەسەي ەلشىسىنە جاسالعان قاستاندىق - زاردابى اۋىر وقيعا
استانا. قازاقپارات - ق ر پارلامەنتى سەناتىنىڭ ءتوراعاسى قاسىم- جومارت توقايەۆ انكاراداعى رەسەي ەلشىسىنىڭ وپات بولۋىن زاردابى اۋىر وقيعا دەپ اتادى.
«تۇركياداعى رەسەي ەلشىسىن ءولتىرۋ - سيرياداعى جاعدايدى تۇراقتاندىرۋعا كەدەرگى جاساۋعا باعىتتالعان تەراكت، زاردابى اۋىر وقيعا»، - دەپ جازدى ول ءوزىنىڭ تۆيتتەردەگى پاراقشاسىنا.
بۇدان بۇرىن ق ر سىرتقى ىستەر مينيسترلىگى تۇركيادا رەسەي ەلشىسى اندرەي كارلوۆقا شابۋىل جاسالۋىنا بايلانىستى مالىمدەمە جاساعان بولاتىن.
ەسكە سالا كەتسەك، تۇرىك ەلىندە فوتوكورمەنىڭ اشىلۋ سالتاناتىندا قۇتتىقتاۋ ءسوز سويلەپ تۇرعان رف ەلشىسى اندرەي كارلوۆقا قارۋلى شابۋىل جاسالىپ، ول اۋرۋحانادا كوز جۇمدى.
