قىتاي ا ق ش- تىڭ سۇڭگۋىر اپپاراتىن قايتارىپ بەرمەك
بۇل تۋرالى سەنبى كۇنى قىتاي قورعانىس مينيسترلىگى وكىلى مالىمدەگەن.
ول اپپاراتتى وڭتۇستىك- قىتاي تەڭىزىندە زەرتتەۋ جۇرگىزۋ ءۇشىن ا ق ش- تىڭ مۇحيتتى زەرتتەيتىن كەمەسى جىبەرگەن. پەنتاگون زەرتتەۋ زاڭدى نەگىزدە جۇرگىزىلگەنىن ايتىپ، قىتايدان تەڭىزدەن ۇستاپ الىپ كەتكەن اپپاراتتى قايتارۋدى تالاپ ەتكەن. پەكيننىڭ تۇسىندىرۋىنشە، قىتاي اسكەري كەمەسى تەڭىزدە «بەيمالىم قۇرالدى» كەزدەستىرگەننەن كەيىن ونى تەكسەرۋگە العان، ال ونىڭ ا ق ش- تىڭ اپپاراتى ەكەنى كەيىن عانا انىقتالعان.
ا ق ش- تىڭ جاڭادان سايلانعان پرەزيدەنتى دونالد ترامپ بۇنى «تەڭدەسى جوق وقيعا» دەپ اتاپ، قىتاي اسكەريلەرىن «امەريكالىق قۇرال- جابدىقتى ۇرلادىڭدار» دەپ سوككەن. كەيىن قىتاي قورعانىس مينيسترلىگى وكىلدەرى وقيعاعا ب ا ق- تىڭ ەرەكشە نازار اۋدارۋى ماسەلەنىڭ شەشىمىن تابۋعا سەپتەسكەن جوق دەپ ايتقان.
«ازاتتىق» جاڭالىقتارى
