قازاقستان يمامدارى كەۋدەلەرىنە مەدال تاقتى - فوتو
ق ر ءدىن ىستەرى جانە ازاماتتىق قوعام مينيسترلىگىندە وتكەن ماراپاتتاۋ راسىمىندە مينيستر نۇرلان ەرمەكبايەۆ پەن ۆيتسە- مينيستر بەرىك ارىن ۆەدومستۆا قىزمەتكەرلەرىن، ءدىني بىرلەستىك جەتەكشىلەرى مەن ءبىرقاتار ءدىن ماماندارىن «قۇرمەت» وردەنىمەن، مەرەكەلىك مەدالدارمەن جانە العىس حاتتارمەن ماراپاتتادى.
اتاپ ايتساق، قازاقستان مۇسىلماندارى ءدىني باسقارماسىنىڭ نايب ءمۇفتيى، «نۇر استانا» ورتالىق مەشىتىنىڭ باس يمامى ناۋرىزباي قاجى تاعان ۇلى «قۇرمەت» وردەنىمەن جانە «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىمەن، قازاقستان مۇسىلماندارى ءدىني باسقارماسىنىڭ نايب ءمۇفتيى، «ازىرەت سۇلتان» ورتالىق مەشىتىنىڭ باس يمامى سەرىكباي قاجى وراز «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىمەن، ق م د ب اپپارات باسشىسى عيلىمبەك ماجيەۆ ق ر ءدىن جانە ازاماتتىق قوعام ءمينيسترى نۇرلان ەرمەكبايەۆتىڭ «العىس حاتىمەن» ماراپاتتالدى.
سونىمەن قاتار، «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالى ق م د ب ۋاعىز- ناسيحات ءبولىمىنىڭ مەڭگەرۋشىسى، عۇلامالار كەڭەسىنىڭ حاتشىسى ەرشات وڭعاروۆقا، ق م د ب كادر ءبولىمىنىڭ مەڭگەرۋشىسى بايۇزاق بەكمۇراتوۆقا، ق م د ب ءىس باسقارۋشىسى ەربوسىن ورىنعا، ق م د ب حالال ونىمدەرىن ستاندارتتاۋ جانە قاجىلىق ءبولىمىنىڭ مەڭگەرۋشىسى بەيبىت مىرزاگەلديەۆكە، ق م د ب ءدىني ءبىلىم جانە عىلىم ءبولىمىنىڭ مەڭگەرۋشىسى باقتىباي بەيسەنبايەۆقا، «يمان» جۋرنالىنىڭ رەداكتورى وڭعار ومىربەككە، ق م د ب ءدىني ىستەر ءبولىمىنىڭ مەڭگەرۋشىسى كامالجان تۇردىبايەۆقا جانە ق م د ب جالپى جانە جاستار ءىسى ءبولىمىنىڭ مەڭگەرۋشىسى التىنبەك ۇتىسحان ۇلىنا بەرىلدى.
