استانادا قوبىز بەن دومبىرانى بىرىكتىرەتىن اككۋستيكالىق جۇيە تانىستىرىلدى
Appazov Design كومپانياسىنىڭ جەتەكشىسى ستانيسلاۆ اپپازوۆتىڭ پىكىرىنشە، قازاق حالقىنىڭ مادەنيەتى مەن داستۇرلەرى شەبەرلىككە تولى جانە ولار وسى ەلدە تۇرىپ جاتقان بارلىق حالىقتاردىكىنە ۇقساس.
«ءبىز دايىنداعان تۋىندى بۇل كەزىندە كوپتەگەن ۇلتتاردى باۋىرىنا باسىپ، ءوزى تۋعان جەردى ولاردىڭ دا تۋعان ولكەسىنە اينالدىرا بىلگەن حالىقتىڭ مادەنيەتى مەن ونەرىنە دەگەن قۇرمەت دەۋگە بولادى. قازاقتاردىڭ ۇلى مۇراسى بۇگىندە بارلىق قازاقستاندىقتار ءۇشىن تۇسىنىكتى. ءبىز دە بۇگىن قالىڭ كوپشىلىكتىڭ نازارىنا قازاقتىڭ ۇلت اسپاپتارىنىڭ زامانعا سايكەستەندىرىلگەن دىبىس جۇيەسىن ۇسىنىپ وتىرمىز. سوڭعى ۇلگىدەگى ماتەريالدار مەن تەحنولوگيالار ۇلتتىق اسپاپتاردى ءپىشىنى جاعىنان عانا ۇيلەستىرىپ قويماي، ولاردى زاماناۋي گادجەتتەرگە دە ىڭعايلاستىرۋعا مۇمكىندىك بەرىپ وتىر. ءوزىمىزدىڭ شىعارماشىلىق تۋىندىمىزدى ءبىز قازاقستان حالقىنا ارنايمىز جانە بولاشاقتا وسى اشىق- جارقىن مىنەزدى حالىقتىڭ اراسىنان ءتۇرلى يننوۆاتسيالىق جانە دامىعان يدەيالاردى بىرلەسىپ جۇزەگە اسىرۋعا قولداۋ كورسەتەتىن كوپتەگەن ازاماتتار تابىلادى دەگەن ويدامىز»، - دەدى ستانيسلاۆ اپپازوۆ.
اۆتورلاردىڭ ايتۋىنشا، قازاق اسپاپتارىنىڭ تۇرىندەگى اككۋستيكالىق جۇيە ءتۇرلى اعاشتاردىڭ سۇرىپتارىنان جانە پلاستيكتەن دايىندالعان. ونىڭ ىشىندە قانداي دىبىس جۇيەسى بولاتىنى ازىرگە بەلگىسىز. ەرەكشە گادجەتتى باعاسىنىڭ قانداي بولاتىنى دا ازىرگە قۇپيا.
