گولوۆكين: بۇل مەن ءۇشىن دە دجەيكوبس ءۇشىن دە وتە قىزىقتى كەزدەسۋ بولماق
دەپ حابارلايدى Sports.kz.
«بارىنەن بۇرىن، بۇل مەن ءۇشىن ۇلكەن جاڭالىق جانە اسقان قىزىعۋشىلىق تانىتىپ وتىرمىن. قاتتى تولقىپ تا ءجۇرمىن، سەبەبى مەن تاعى دا رينگكە شىعامىن. وتە جاقسى ايقاس بولادى دەپ ۇمىتتەنەمىن. مەنىڭ ويىمشا، بۇل ەكەۋمىز ءۇشىن دە تاماشا كەزدەسۋ بولماق. دەنيەل - ازىرگە مەنىڭ ۇزدىك قارسىلاسىم. ول تاماشا بوكسشى»، - دەپ جازدى GGG سوزدەرىن Boxingscene.com.
گەنناديدىڭ ءۇشىنشى كەزدەسۋى بيىلعى جەلتوقسان ايىندا ءوتۋى ءتيىس ەدى، ءبىراق ول مەرزىم 2017 -جىلدىڭ 18 - ناۋرىزىنا اۋىستىرىلدى.
«مەن 2016 -جىلى ءۇش كەزدەسۋ وتكىزگىم كەلدى، ءبىراق كەلەسى ايقاس ناۋرىز ايىندا بولادى. ماعان دەمالۋعا ۋاقىت كەرەك. مەنىڭ ويىمشا، بۇل ۋاقىتتا كەزدەسۋدىڭ جارناماسىن كوبىرەك جاساۋعا، ۇزدىك كەلىسىم- شارت بەكىتۋگە بولادى. ازىرگە دەننيمەن كەزدەسۋ مەندەگى ماڭىزدى ايقاس بولىپ تۇر»، - دەدى بوكسشى.
