الماتىدا تاۋلىگىنە ەكى رەت جەر سىلكىندى

استانا. قازاقپارات - قازاقستان اۋماعىندا تاۋلىگىنە ەكىنشى رەت جەر سىلكىندى. 19 ساعات 03 مينۋت 53 سەكۋندتا جاڭا ءزىلزالانىڭ ءدۇمپۋى تىركەلدى.

ونىڭ وشاعى الماتى قالاسىنان سولتۇستىك- شىعىسقا قاراي 283 شاقىرىم جەردە ورنالاستى، دەپ حابارلايدى قازاقپارات «قازاقستان رەسپۋبليكاسى ءبىلىم جانە عىلىم مينيسترلىگىنىڭ سەيسمولوگيالىق تاجىريبە- ادىستەمەلىك ەكسپەديتسياسى» مەملەكەتتىك مەكەمەسىنە سىلتەمە جاساپ.

جەر سىلكىنىسىنىڭ ەنەرگەتيكالىق ساناتى - 9.5. MPV ماگنيتۋداسى - 4.3. تەرەڭدىگى - 10 شاقىرىم.

 МSК-64 باعانى بويىنشا ءزىلزالانىڭ سەزىلگەندىگى تۋرالى اقپاراتتار جوق.

 ەسكە سالايىق، كەشە قازاقستان اۋماعىندا، الماتى قالاسىنان سولتۇستىك- باتىسقا قاراي 138 شاقىرىم قاشىقتىقتا جەراستى دۇمپۋلەرى تىركەلدى. 2-3 بالدىق تەربەلىس الماتى قالاسىندا سەزىلدى. ءزىلزالا سالدارىنان بولعان زاقىمدار مەن قيراۋلار انىقتالعان جوق.