قازاقتىڭ ەكى بوكسشىسى جەڭىستەرىن تاۋەلسىزدىك تويىنا ارنادى

استانا. قازاقپارات - قازاقستاندىق كاسىپقوي بوكسشىلار باتىر جۇكەمبايەۆ (7-0، 6KO) پەن ابىلايحان قۇسايىنوۆ (4-0، 3ko) ەل تاۋەلسىزدىگىنىڭ 25 جىلدىعىنا ارناپ وتكىزگەن جەكپە-جەكتەرىندە كەزەكتى جەڭىستەرىنە قول جەتكىزدى، دەپ حابارلايدى قازاقپارات ءتىلشىسى.

بوكس كەشى (استانا ۋاقىتى بويىنشا 17- جەلتوقسان) كۇنى كانادانىڭ كۆەبەك قالاسىندا ءوتتى.

جۇكەمبايەۆ ءوزىنىڭ جەتىنشى كەزدەسۋىن مەكسيكالىق بوكسشى - مانۋەل مارەزگە قارسى وتكىزىپ، ۇپاي سانىمەن جەڭىسكە جەتسە، قۇسايىنوۆ ءوزىنىڭ ءتورتىنشى كەزدەسۋىن مەكسيكالىق حەسۋس پەرەسكە قارسى وتكىزىپ، تورەشىلەردىڭ شەشىمى بويىنشا قارسىلاسىنان باسىم ءتۇستى.

ەكى بوكسشى دا وسىعان دەيىن سوڭعى جەكپە-جەگىن 23- قازان كۇنى لەمە-ريوس شوۋىندا وتكىزىپ، قارسىلاستارىن تەحنيكالىق نوكاۋتپەن ۇتقان ەدى. وندا جۇكەمبايەۆ مەكسيكالىق يۆان پەرەيرانى 5- راۋندتا، قۇسايىنوۆ قارسىلاسىن 2- راۋندتا تەحنيكالىق نوكاۋتقا تۇسىرگەن بولاتىن.

اۆتور: كۇنسۇلتان وتارباي