قىتايدا تەرەزەدەن لاقتىرىلعان شولمەك ءۇشىن ءبىر قابات ءۇيدىڭ بارلىق تۇرعىنى ايىپپۇل تولەدى

استانا. قازاقپارات - قىتايدا سوت كوپقاباتتى ءۇيدىڭ 448 تۇرعىنىن زارداپ شەككەن ەكى جاستاعى قىزدىڭ اتا- اناسىنا وتەماقى تولەۋدى مىندەتتەدى، - دەپ حابارلايدى China Daily.

 وقيعا كەشكى ۋاقىتتا بولعان، قىز بالا اۋلادا ويناپ جۇرگەن. شولمەك قىزدىڭ باسىنا ءتيىپ، باس سۇيەگىن سىندىرىپ جىبەرگەن. سوققىدان قىز ەسىنەن تانىپ قالعان. ول اۋرۋحاناعا اۋىر حالدە جەتكىزىلگەن. قىزدىڭ دەنساۋلىعىن قالىپقا كەلتىرۋ ءۇشىن وتباسى 80 مىڭ يۋان جۇمساعان.

 قىزدىڭ اتا- اناسى شولمەكتى كىمنىڭ لاقتىرعانىن انىقتاۋ ءۇشىن ءبىراز تەر توككەن، الايدا ەشكىم مويىنداماعاندىقتان، ولار وسى ۇيدە تۇراتىن بارلىق 448 تۇرعىننىڭ اتىنا ارىز جازعان.

سوت ولاردىڭ ءارقايسىسىن 360 يۋان (51 دوللار) كولەمىندە وتەماقى تولەۋىن مىندەتتەگەن. باسىلىمنىڭ مالىمەتىنشە، سوتقا قاتىسقان تۇرعىندار وسى شەشىممەن كەلىسكەن.

tengrinews.kz