قازاقستاندىق ستۋدەنتتەر كەيىن قانشا جالاقى العىلارى كەلەتىنىن ايتتى

استانا. قازاقپارات - بارشا الەم ستۋدەنتتەرى ج و و بىتىرگەننەن كەيىن قانشا ايلىق العىسى كەلەتىندەرى جايلى ويلارىمەن ءبولىستى. قازاقستاندىق ستۋدەنتتەر دە ءوز بولجامدارىن ايتتى.

Cost of Talent زەرتتەۋىندە الەمنىڭ 57 ەلىنەن تەحنيكالىق جانە بيزنەس باعىتىنداعى 580 مىڭ ستۋدەنت سۇرالدى. تۇتاستاي ستۋدەنتتەردىڭ بولجامى ەلدەردىڭ ەكونوميكالىق دامۋىنا سايكەس كەلەدى.

مىسالى، شۆەيساريا ستۋدەنتتەرى وقۋ ورنىنان كەيىن جىلىنا $79,4 مىڭ العىلارى كەلەدى. بۇل ۇلكەن كورسەتكىش. دانيا، ا ق ش ستۋدەنتتەرى $57,9 مىڭ جانە تيىسىنشە $52,6 مىڭ، ال رۋمىنيا مەن ۆەتنام جاستارى جىلىنا $7,08 مىڭ نەمەسە $6,04 مىڭ العىلارى كەلەدى. بۇل از كورسەتكىش، دەپ جازدى ر ب ك.

رەسەي ستۋدەنتتەرى $10.1 مىڭ، بولگاريا - $10 مىڭ، قازاقستان - $8,3 مىڭ، رۋمىنيا $8.1 مىڭ. سالىستىرمالى تۇردە ۆەتنام ستۋدەنتتەرى جىلىنا $10.2 مىڭ بولسا، اراب ەلدەرى ىشىنەن كاتار ستۋدەنتتەردىڭ ەڭ جوعارى بولجامى $44 مىڭ. ەڭ تومەن مىسىرلىقتار - نەبارى $7.4 مىڭ. زەرتتەۋ جۇرگىزگەن Un versum كومپانياسىنىڭ دەرەكتەرىنە سايكەس كۇللى الەم بويىنشا ايەلدەرگە قاراعاندا، ەرلەر كوپ اقشا تاپقىسى كەلەدى. تەك ب ا ءا، ماروككو جانە كەنيادا عانا بۇل ۇدەرىس كەرىسىنشە.