16:21, 17 - جەلتوقسان 2016 | GMT +6
توقايەۆ: تاۋەلسىزدىك جاريالانعان كۇنى چەمودانىمدى جيناپ، دايىن وتىرعانمىن
استانا. قازاقپارات - ق ر پرەزيدەنتى نۇرسۇلتان نازاربايەۆتىڭ قاتىسۋىمەن ءوتىپ جاتقان «تاۋەلسىزدىك تاعىلىمى» اتتى تەلەجوبا كەزىندە سەنات ءتوراعاسى، قازاقستان ەگەمەندىك العان كەزدە، سىرتقى ىستەر ءمينيسترى قىزمەتىن اتقارعان قاسىم- جومارت توقايەۆ 1991 -جىلدى قانداي سەزىمدە قارسى العانىن ايتتى،
دەپ حابارلايدى قازاقپارات.
«مەن ءۇشىن تاۋەلسىزدىگىمىزدىڭ باسى ەركىندىك سەزىمى ەدى. تاۋەلسىزدىك جاريالانعان كۇنى مەن چەمودانىمدى جيناپ، پرەزيدەنتتىمىزدىڭ شاقىرۋىمەن سىرتقى ىستەر ءمينيسترى قىزمەتىنە كىرىسۋگە دايىن وتىرعان ەدىم. سول كەزدە رۋحىمىز، نيەتىمىز اسا كۇشتى بولدى. پرەزيدەنتىمىزدىڭ ءۇمىتىن اقتايمىز دەپ، تاڭنان باستاپ، ءبارىمىز بىلەك سىبانا جۇمىس ىستەدىك. ناتيجەسى قازىر بەلگىلى»، - دەدى ق. توقايەۆ.
اۆتور: كەنجەكەي توقتامۇرات قىزى
