14:23, 17 - جەلتوقسان 2016 | GMT +5
باسى داۋعا قالعان كلينتونعا نازاربايەۆ نە ايتتى
استانا. قازاقپارات - مونيكا ليەۆينسكيمەن باسى داۋعا قالعان كلينتونعا نازاربايەۆ نە ايتتى. بۇل جايىندا «تاۋەلسىزدىك تاعىلىمى» اتتى تەلەجوبا بارىسىندا ق ر پارلامەنتى سەناتىنىڭ ءتوراعاسى قاسىم- جومارت توقايەۆ ايتىپ بەردى،
دەپ حابارلايدى قازاقپارات.
تەلەجوبا بارىسىندا توقايەۆ 1997 -جىلى ەلباسى نۇرسۇلتان نازاربايەۆتىڭ امەريكاعا ساپارمەن بارىپ، بيلل كلينتونمەن كەزدەسكەنىن ايتىپ بەردى. سول جىلى ا ق ش پرەزيدەنتى مونيكا ليەۆينسكيمەن شاتىلىپ، باسى جايسىز جاعدايعا دۋشار بولعان ەدى.
«سول ۋاقىتتا مەملەكەت باسشىسى ا ق ش- تا ساپارمەن بولدى. ەكەۋارا قالعان كەزدە، مەن جاندارىندا بولدىم. بيلل كلينتوننىڭ ءتۇرى ءابىرجۋلى، «وپاسى» بەتىنەن ءتۇسىپ تۇردى. ويتكەنى، جۇيكە سىر بەرۋىنەن اللەرگياسى باستالعان ەدى. ودان نۇرسۇلتان ءابىش ۇلى: «قالايسىڭ؟ ساعان قيىن با؟» دەپ سۇرادى. وعان كلينتون: «دوسىم، مەنى بۇل جەردە كۇن سايىن ولتىرەدى»، دەپ جاۋاپ بەرگەن ەدى»، - دەپ ەسكە الدى توقايەۆ.
اۆتور: مارلان جيەمباي
