10:19, 17 - جەلتوقسان 2016 | GMT +5
قازاقستاندا الەۋمەتتىك جەلىلەر ىستەن شىعىپ قالدى
استانا. قازاقپارات - قازاقستاندىق ينتەرنەت قولدانۋشىلار جۇما، 16 - جەلتوقسان كۇنى كەشكىلىك الەۋمەتتىك جەلىلەرگە كىرە الماي قالدى.
بۇل تۋرالى Sputnik قازاقستان حابارلايدى.
نەگىزىنەن ۇيالى بايلانىس تاريفتەرى ارقىلى Facebook, Instagram, Twitter، ۆكونتاكتە، YouTube جەلىلەرى بۇعاتتالىپ قالعان. سونداي- اق، Google سەرۆيسى دە قولدانۋشىلار تالاپتارىنا جاۋاپ بەرە الار ەمەس.
قازاقتەلەكوم، Kcell جانە Tele2 بايلانىس وپەاتورلارى ەلىمىزدەگى الەۋمەتتىك جەلىلەر بويىنشا ينتەرنەت بايلانىسىنىڭ ناشارلاۋى تەحنيكالىق ماسەلەلەرگە بايلانىستى دەپ تۇسىنىكتەمە بەردى. ازىرگە اقپارات جانە كوممۋنيكاتسيا مينيسترلىگى ورىن العان جاعدايعا قاتىستى پىكىر بىلدىرمەدى.
