02:42, 17 - جەلتوقسان 2016 | GMT +5
استاناعا اتى اڭىزعا اينالعان بوكسشىلار كەلەدى
استانا. قازاقپارات - دۇنيەجۇزىلىك بوكس كەڭەسى 2017 -جىلى جىل سايىنعى 55-كونۆەنسيا قازاقستاندا وتكىزىلەتىنى تۋرالى رەسمي جاريالادى.
بۇل تۋرالى ۇيىمنىڭ Twitter- اككاۋنتىندا جازىلدى، دەپ حابارلايدى baq.kz.
«قازاقستان، 2017 -جىلى كەزدەسەمىز! دۇنيەجۇزىلىك بوكس كەڭەسىنىڭ 55-شى، جىل سايىنعى كونۆەنسياسى»، - دەلىنگەن حابارلامادا.
استانادا كەلەسى كونۆەنسيانى وتكىزۋ ۇسىنىسىن حولليۆۋدتە (فلوريدا) ءوتىپ جاتقان (11-17 -جەلتوقسان) دۇنيەجۇزىلىك بوكس كەڭەسىندە 54- كونۆەنسياسىندا دۇنيەجۇزىلىك بوكس كەڭەسى ماقۇلدادى.
ايتا كەتەيىك، تاياۋدا WBC بەلبەۋىنىڭ جاڭا ديزاينىندا قازاقستاننىڭ تۋى بەينەلەنەدى. بۇل گەنناديي گولوۆكين WBC تيتۋلى مەن بەلبەۋىن جەكپە-جەكسىز العاننان كەيىن مۇمكىن بولدى. مەكسيكالىق بوكسشى ساۋل كانەلو الۆارەس قازاقستاندىق چەمپيونمەن جۇدىرىقتاسۋدان باس تارتقان ەدى.
