سولتۇستىك قازاقستان وبلىسىندا حالىقتىق سەرۋەن وتۋدە
سولتۇستىك قازاقستاندىقتار 30 گرادۋستىق ايازعا قاراماستان، ماڭىزدى مەملەكەتتىك مەرەكەلەردىڭ ءبىرى - ق ر تاۋەلسىزدىگىنىڭ 25 جىلدىعىن قارسى الۋعا ورتالىق الاڭعا شىقتى. تاڭعى ساعات 10 دا الاڭدا قالانىڭ شىعارماشىلىق ۇجىمى ونەر كورسەتكەن «ءبىزدىڭ ورتاق ءۇيىمىز - قازاقستان» اتتى كونسەرتتىك باعدارلاما باستالىپ كەتتى.
دوستاستىق ۇيىندە ەتنومادەني بىرلەستىكتەردىڭ وكىلدەرى داستارحان جايدى. قالا مەكەمەلەرى مەرەكە قوناقتارىنا تەگىن پالاۋ، باۋىرساق، تۇشپارا مەن شاي بەرىپ، سىي كورسەتتى. 
كۇنى بويى كورەرمەندەردىڭ قاتىسۋىمەن فلەشموبتار، تانىمدىق ۆيكتورينالار، انيماتورلار، قۋىرشاقتار مەن حالىق دراما تەاترىنىڭ قاتىسۋىمەن بالالارعا ارنالعان ويىن-ساۋىقتىق باعدارلامالار، كوڭىلدى ستارتتار وتكىزىلۋ جوسپارلانعان. كەشكە تاۋەلسىزدىك سارايىندا «تاۋەلسىزدىككە - 25 جىل» مەرەكەلىك باعدارلاماسى قويىلادى. مەرەكە سوڭى وتشاشۋمەن اياقتالادى. وسىنداي حالىقتىق تويلانىمدار وبلىستىڭ بارلىق اۋداندارىندا وتەدى.
