بىشكەكتە ق ر تاۋەلسىزدىك كۇنىنە ارنالعان قابىلداۋ ءوتتى - فوتو

بىشكەك. قازاقپارات - قازاقستان رەسپۋبليكاسىنىڭ تاۋەلسىزدىگى كۇنىنە وراي قىرعىزستانداعى ق ر ەلشىلىگىندە رەسمي قابىلداۋ ۇيىمداستىرىلدى، دەپ حابارلايدى «قازاقپارات» ح ا ا- نىڭ بىشكەكتەگى مەنشىكتى ءتىلشىسى.

بىشكەك قالاسىنداعى «الا- توو» مەيرامحاناسىندا وتكەن اتالمىش ءىس-شاراعا قىرعىزستانداعى ديپلوماتيالىق كورپۋس، اككرەديتتەلگەن حالىقارالىق ۇيىمدار، زاڭ شىعارۋشى جانە اتقارۋشى بيلىك، عىلىمي جانە شىعارماشىلىق زيالىلارى قاتىستى. ءىس- شارا قازاقستان مەن قىرعىزستاننىڭ مەملەكەتتىك ءانۇرانىن ورىنداۋمەن باستالدى.



قازاقستان رەسپۋبليكاسىنىڭ قىرعىزستانداعى توتەنشە جانە وكىلەتتى ەلشىسى ايىمدوس بوزجىگىتوۆ كەلگەن قوناقتاردى جىلى قارسى الدى. «قازاقستان وتكىزىپ جاتقان الەۋمەتتىك جانە ەكونوميكالىق رەفورمالاردىڭ ارقاسىندا بۇگىندە الەمنىڭ دامىعان 50 ەلىنىڭ قۇرامىنا كىرىپ، باسەكەگە قابىلەتتى جانە تولىققاندى مەملەكەت رەتىندە مويىنداتىپ كەلەدى. ق ر پرەزيدەنتى ن. نازاربايەۆتىڭ سارابدال ساياساتىنىڭ كومەگىمەن ءوزىنىڭ دارا جولىن تاڭداپ، ۇلكەن جەتىستىكتەرگە جەتۋدە. تۇراقتى دامۋ، ەتنيكاارالىق جانە كونفەسسياارالىق تۇسىنىستىك پەن تولەرانتتىلىقتىڭ بىرەگەي مودەلى قازاقستاننىڭ حالىقارالىق برەندى بولىپ تابىلادى»، - دەپ اتاپ ءوتتى ا. بوزجىگىتوۆ.

ءسوز بارىسىندا مەملەكەت باسشىسى ن. نازاربايەۆتىڭ ورتالىق ازيا ەلدەرىن يادرولىق قارۋدان ازات ەتۋ تۋرالى بەيبىت جانە ينتەگراتسيالىق باستامالارى ايتىلدى. قازاقستاندىق ديپلومات قىرعىزستانمەن جوعارى دەڭگەيدەگى مەملەكەتارالىق ەكىجاقتى قارىم- قاتىناس پەن بولاشاقتا ونى ارى قاراي دامىتۋ ءارى نىعايتۋ كەرەكتىگىن اتاپ ءوتتى.