10:23, 16 - جەلتوقسان 2016 | GMT +6
الەمدەگى ەڭ ءىرى ىزدەۋ جۇيەسىنىڭ ءبىرى گۋگول قازاقستاندى تاۋەلسىزدىك كۇنىمەن قۇتتىقتادى
استانا. قازاقپارات - الەمدەگى ەڭ ءىرى ىزدەۋ جۇيەلەرىنىڭ ءبىرى - Google جۇيەسى بۇگىن نەگىزگى بەتىن قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنادى، دەپ حابارلايدى قازاقپارات.
«Google» دەگەن جازبا كوك تۇسكە بويالىپ، جازۋدىڭ ورتاسىنا الماتى قالاسىندا ورنالاسقان «التىن ادام» - تاۋەلسىزدىك مونۋمەنتىنىڭ سۋرەتى ورنالاستىرىلعان. وسىلايشا، عالامتورداعى ەڭ ءىرى پلاتفورمالاردىڭ ءبىرى قازاقستان رەسپۋبليكاسىنىڭ تاۋەلسىزدىگىنە قۇرمەت تانىتتى.
ايتا كەتەيىك، تۋرا ەكى جىل بۇرىن، 2014 -جىلدىڭ 15 -جەلتوقسانىندا، قازاقستاننىڭ تاۋەلسىزدىك كۇنى قارساڭىندا قازاق ءتىلى كۇنىنە 500 ميلليون ادام قولداناتىن الەمنىڭ ەڭ تانىمال اۆتوماتتى اۋدارما قىزمەتى - Google اۋدارما جۇيەسىنە قوسىلعان بولاتىن.
اۆتور: كەنجەكەي توقتامۇرات قىزى
