09:51, 16 - جەلتوقسان 2016 | GMT +6
قازاقستاندى تاۋەلسىزدىك مەرەكەسىمەن قۇتتىقتاعان گۋگول ءتول تاڭباسىن وزگەرتتى
استانا. قازاقپارات - امەريكالىق Google كورپوراتسياسى قازاقستان مەن ەل ازاماتتارىن تاۋەلسىزدىكتىڭ 25 -جىلدىق مەرەكەسىمەن قۇتتىقتادى.
16 -جەلتوقسان مەرەكە كۇنى قارساڭىندا قازاقستاندىق ىزدەۋ جۇيەسىندەگى اتالمىش كومپانيانىڭ ءتول تاڭباسى وزگەرىسكە ۇشىراعان. تاڭبانىڭ قاق ورتاسىندا الماتىداعى تاۋەلسىزدىك مونۋمەنتىندەگى «التىن ادام» بەينەلەنگەن.
«التىن ادام» قازاق دالاسىنداعى ەركىندىك پەن ەگەمەندىكتىڭ سيمۆولى ىسپەتتى. Google ىزدەۋ جۇيەسى قازاقستاندىقتاردى 2015 -جىلدىڭ جەلتوقسان ايىندا دا قۇتتىقتاعان ەدى.
