سولتۇستىك قازاقستاندا قىز بالانى امان الىپ قالعان ءتارتىپ ساقشىسى ماراپاتتالدى - فوتو
شارادا جەدەل قىزمەت بارىسىندا قول جەتكىزگەن جەتىستىكتەرى ءۇشىن 100 دەن استام پوليتسيا قىزمەتكەرى ماراپاتتالدى. ماراپاتقا سونىمەن قاتار قۇقىق ءتارتىبىن قامتاماسىز ەتۋگە ۇلەسىن قوسقان ءبىرقاتار قوعام وكىلدەرى دە لايىقتى دەپ تابىلدى. 
بۇل رەتتە قۇقىق قورعاۋ ورگاندارىندا قىزمەت ەتىپ جۇرگەن تاۋەلسىزدىك قۇرداستارىنا بارىنشا كوڭىل ءبولىندى.
«بۇگىنگى تاڭدا وبلىستىڭ ىشكى ىستەر ورگاندارىندا 80 تاۋەلسىزدىكپەن قۇرداس ازامات قىزمەت ەتەتىنى قۋانتادى. ەلىمىزدىڭ ودان ءارى دامۋى ءبىزدىڭ جۇمىسىمىزدىڭ تيىمدىلىگى مەن الدىعا قويىلعان مىندەتتەردى شەشە الۋىمىزعا بايلانىستى»، - دەپ اتاپ ءوتتى س ق و ءى ءى د- نىڭ باستىعى بەرىك بيليالوۆ.
ماراپاتتالعانداردىڭ اراسىندا قازاقستان تاۋەلسىزدىگىنىڭ قۇرداسى پەتروپاۆل قالاسى ءى ءى ب- نىڭ ج ج پ- نىڭ جولداعى شولعىنشىلار باتالونىنىڭ قىزمەتكەرى، پوليتسيا سەرجانتى يۋلي دانيلچەنكو دا بار. وعان «ەرلىگى ءۇشىن» مەدالى تابىس ەتىلدى. بيىلعى جىلدىڭ مامىر ايىندا پوليتسيا قىزمەتكەرى «ەسىل» وزەنىنىڭ جاعاسىنداعى 24 مەترلىك بيىكتىكتەگى جاردان قۇلاپ كەتكەن 24 جاسار قىزدى امان الىپ قالدى. سالتاناتتى راسىمدە ءبىرقاتار قىزمەتكەرلەردىڭ ۇزدىك قىزمەتى ءۇشىن اسكەري شەندەرى كوتەرىلدى. سونداي-اق 30 پوليتسيا قىزمەتكەرى «ق ر تاۋەلسىزدىگىنە 25 جىل» مەرەكەلىك مەدالىمەن جانە ءبىرقاتار ازاماتتار العىس حاتتارمەن ماراپاتتالدى.
