قىتايلىق كاسىپكەرلەر قازاقتاردىڭ اۋىل شارۋاشىلىعى ونىمدەرىنە قىزىعىپ وتىر
بۇل تۋرالى «قازاقپارات» ح ا ا- نىڭ قىتايداعى مەنشىكتى ءتىلشىسى حابارلايدى.
ايتا كەتەيىك، اتالمىش شارانى ق ر ينۆەستيتسيالار جانە دامۋ مينيسترلىگى، «ەكسپورت جانە ينۆەستيتسيا جونىندەگى «KAZNEX INVEST» ۇلتتىق اگەنتتىگى» ا ق مەن «اتامەكەن» ۇلتتىق كاسىپكەرلەر پالاتاسى قازاقستاننىڭ قىتايداعى ەلشىلىگى مەن قازاقستان- قىتاي ىسكەرلىك كەڭەسىنىڭ قولداۋىمەن ۇيىمداستىردى.
قازاقستاننان اتالمىش شاراعا قاتىسۋ ءۇشىن 40 ادام كەلدى. قىتاي تاراپىنان وعان ساۋدا، اۋىل شاراشىلىعى ونىمدەرىن قايتا وڭدەۋ، مەتالۋرگيا سالاسى بويىنشا بەيجىڭ، شاندۇڭ، حىنان، شانشي سياقتى قالالار مەن ايماقتاردىڭ 120 دان استام كومپانيالارىنان 200 گە جۋىق ادام قاتىستى. «قازاقستان مەن قىتايدىڭ اۋىل شارۋاشىلىعى ونىمدەرىن ءوندىرۋ مەن ونى قايتا وڭدەۋ باعىتىندا ىنتىماقتاستىعىنىڭ زور الەۋەتى بار.
قازاقستاندى ازىق- تۇلىك جانە اۋىل شارۋاشىلىعى ونىمدەرى قىتايلىق تۇتىنۋشىلاردى قىزىقتىرىپ وتىر جانە ولاردىڭ قىتاي نارىعىندا زور بولاشاعى بار»، - دەدى بۇكىلقىتايلىق اۋىل شارۋاشىلىعى ساۋدا پالاتاسىنىڭ باسشىسى (ACAICC) ۋان جيۋنحاۋ. تاراپتاردىڭ ونىمدەرىن تانىستىرۋ راسىمىنەن سوڭ ەكى ەلدىڭ كاسىپكەرلەرى B2B فورماتىندا كەزدەسۋ وتكىزدى. «ءبىزدىڭ ءونىمىمىز «Saumal» جىلقىنىڭ ءسۇتى. بۇگىن بىزگە قىتايلىق كاسىپكەرلەر كەلىپ، ءونىمىمىزدى ساتۋ ءۇشىن ەكسكليۋزيۆتى قۇقىقتار الۋعا ىنتالى ەكەندىكتەرىن ءبىلدىردى. ولاردىڭ كەيبىرى بىزگە قىتاي نارىعىنا قالاي كىرۋ كەرەكتىگى جونىنەن اقىل- كەڭەس تە بەردى»، - دەدى «قازاقپارات» ح ا ا- ءنىڭ تىلشىسىنە بەرگەن سۇحباتىندا
«ەۆرازيا ينۆەست LTD» ج ش س- نىڭ ماركەتينگ جونىندەگى مامانى ايدار انيشەۆ.
